QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov koronavirýsqa qarsy vaktsinanyń qorǵanysh reaktsiiasy týraly aitty, dep habarlaidy QazAqparat.
«Aita ketetin jáit, vaktsinatsiialaýdan keiingi qorǵanysh áseri, iaǵni koronavirýsqa qarsy antideneler dozany alǵash qabyldaǵannan keiin 12-14 kúnnen soń bastalady. Tolyq immýnitetti qamtamasyz etý úshin 21 kúndik aralyqpen eki komponentten turatyn vaktsinatsiianyń tolyq kýrsyn alý kerek», - dep túsindirdi Qiiasov Ortalyq kommýnikatsiialar qyzmetinde.
Onyń aitýynsha, vaktsinatsiialaý kýrsy aiaqtalǵannan keiin, 1,5 aidyń ishinde aǵzanyń immýndyq reaktsiiasy paida bolady. Sondyqtan vaktsina qabyldaǵan adamdar profilaktikalyq sharalardy saqtaýy kerek.
«Sonymen qatar, shilde aiyna deiin Qaraǵandy farmatsevtikalyq kesheniniń vaktsinany óndirý kólemi 2 mln dozaǵa deiin jetkiziletin bolady», - dedi Erlan Qiiasov.
Budan buryn habarlanǵandai, Erlan Qiiasov koronavirýsqa qarsy vaktsinalaý naýqanyna qatysty túsinik berdi.
Koronavirýs infektsiiasyna qarsy vaktsinatsiialaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan bastap ekinshi komponentpen vaktsinalaý bastalyp, 2 137 adamǵa ekpe jasaldy, qolaisyz kórinister tirkelgen joq.
