قر دەنساۋلىق ساقتاۋ ۆيتسە-مينيسترٸ, باس مەملەكەتتٸك سانيتارلىق دەرٸگەر ەرلان قيياسوۆ كوروناۆيرۋسقا قارسى ۆاكتسينانىڭ قورعانىش رەاكتسيياسى تۋرالى ايتتى, دەپ حابارلايدى قازاقپارات.
«ايتا كەتەتٸن جەيت, ۆاكتسيناتسييالاۋدان كەيٸنگٸ قورعانىش ەسەرٸ, ياعني كوروناۆيرۋسقا قارسى انتيدەنەلەر دوزانى العاش قابىلداعاننان كەيٸن 12-14 كٷننەن سوڭ باستالادى. تولىق يممۋنيتەتتٸ قامتاماسىز ەتۋ ٷشٸن 21 كٷندٸك ارالىقپەن ەكٸ كومپونەنتتەن تۇراتىن ۆاكتسيناتسييانىڭ تولىق كۋرسىن الۋ كەرەك», - دەپ تٷسٸندٸردٸ قيياسوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, ۆاكتسيناتسييالاۋ كۋرسى اياقتالعاننان كەيٸن, 1,5 ايدىڭ ٸشٸندە اعزانىڭ يممۋندىق رەاكتسيياسى پايدا بولادى. سوندىقتان ۆاكتسينا قابىلداعان ادامدار پروفيلاكتيكالىق شارالاردى ساقتاۋى كەرەك.
«سونىمەن قاتار, شٸلدە ايىنا دەيٸن قاراعاندى فارماتسەۆتيكالىق كەشەنٸنٸڭ ۆاكتسينانى ٶندٸرۋ كٶلەمٸ 2 ملن دوزاعا دەيٸن جەتكٸزٸلەتٸن بولادى», - دەدٸ ەرلان قيياسوۆ.
بۇدان بۇرىن حابارلانعانداي, ەرلان قيياسوۆ كوروناۆيرۋسقا قارسى ۆاكتسينالاۋ ناۋقانىنا قاتىستى تٷسٸنٸك بەردٸ.
كوروناۆيرۋس ينفەكتسيياسىنا قارسى ۆاكتسيناتسييالاۋ جالعاسىپ جاتىر. قازٸرگٸ كەزدە بٸرٸنشٸ كومپونەنتپەن 20 157 ادام ەگٸلدٸ. 22 اقپاننان باستاپ ەكٸنشٸ كومپونەنتپەن ۆاكتسينالاۋ باستالىپ, 2 137 ادامعا ەكپە جاسالدى, قولايسىز كٶرٸنٸستەر تٸركەلگەن جوق.
