Qazaqstan azamattyǵynan shyqqan tulǵalar menshiginde aýyl sharýashylyǵy jerin 3 aida memleketke qaitarýy tiis. Bul týraly QR Prezidentiniń kómekshisi Erlan Qarin aitty, dep habarlaidy "Ult aqparat".
«Búgin Senat deptýtattary jer týraly prezidenttik zańdy qarady. Buǵan deiin Senat qabyrǵasynda atalǵan zań jobasy boiynsha jumys toptarynyń 2 otyrysy, Agraralyq máseler, tabiǵatty paidalaný jáne aýyldyq aýmaqtardy damytý jónindegi komitettiń 1 keńeitilgen otyrysy, sonymen qatar Senat biýrosynyń otyrysy ótti. Jalpy, Senat depýtattary qujatty qoldady. Bul rette talqylaý barysynda senatorlar qarastyrylyp otyrǵan zań jobasyna keibir ózgertýler engizý usyndy. Osyǵan orai Senat zań jobasyn engizilgen túzetýlermen Májiliske qaitarý týraly sheshim qabyldady», - dep jazdy Prezident kómekshisi Telegram kanalynda.
Onyń atap ótýinshe, jer týraly prezidenttik zań jobasynyń tyńǵylyqty ári belsendi talqyǵa túsýi barlyq taraptyń joǵary múddelik tanytyp otyrǵandyǵyn, qoǵamdy bul másele airyqsha tolǵandyratyn bildiredi.
«Birneshe ret atalyp ótilgendei, jer týraly prezidenttik zań jobasy aýyl sharýashylyǵy jerlerin shetel azamattaryna jáne sheteldik kapital qatysatyn kompaniialarǵa satýǵa jáne jalǵa berýge shekteý engizýdi kózdeidi. Sonymen qatar sheteldik tulǵalardyń aýyl sharýashylyǵy jerlerine ielik etýiniń qandai da bir múmkinshiligin joiatyn ózge de normalar qarastyrylǵan. Máselen, Qazaqstan Respýblikasynda tirýelgen kompaniianyń qatysýshylary quramyna sheteldik nemese azamattyǵy joq tulǵa, sheteldik zańdy tulǵa kirgen jaǵdaida aýyl sharýashylyǵy jerine jekemenshik quqyǵy, sondai-aq jalǵa alý quqyǵy qaitaryp alynady. Dál osyndai ereje Qazaqstan Respýblikasy azamattyǵy toqtatylǵan tulǵalarǵa da qoldanylady. Mundai jaǵdaida aýyl sharýashylyǵy jer ýchaskesi azamattyq toqtatylǵan sátten bastap úsh aidyń ishinde memleketke qaitarylýy tiis», - dedi Erlan Qarin.
Aita keteiik, búgin Senattyń jalpy otyrysynda «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly» zań jobasy eki oqylymda qaraldy. Qujatqa túzetýler engizilip, Májiliske qaitaryldy.
