قازاقستان ازاماتتىعىنان شىققان تۇلعالار مەنشٸگٸندە اۋىل شارۋاشىلىعى جەرٸن 3 ايدا مەملەكەتكە قايتارۋى تيٸس. بۇل تۋرالى قر پرەزيدەنتٸنٸڭ كٶمەكشٸسٸ ەرلان قارين ايتتى, دەپ حابارلايدى "ۇلت اقپارات".
«بٷگٸن سەنات دەپتۋتاتتارى جەر تۋرالى پرەزيدەنتتٸك زاڭدى قارادى. بۇعان دەيٸن سەنات قابىرعاسىندا اتالعان زاڭ جوباسى بويىنشا جۇمىس توپتارىنىڭ 2 وتىرىسى, اگرارالىق مەسەلەر, تابيعاتتى پايدالانۋ جەنە اۋىلدىق اۋماقتاردى دامىتۋ جٶنٸندەگٸ كوميتەتتٸڭ 1 كەڭەيتٸلگەن وتىرىسى, سونىمەن قاتار سەنات بيۋروسىنىڭ وتىرىسى ٶتتٸ. جالپى, سەنات دەپۋتاتتارى قۇجاتتى قولدادى. بۇل رەتتە تالقىلاۋ بارىسىندا سەناتورلار قاراستىرىلىپ وتىرعان زاڭ جوباسىنا كەيبٸر ٶزگەرتۋلەر ەنگٸزۋ ۇسىندى. وسىعان وراي سەنات زاڭ جوباسىن ەنگٸزٸلگەن تٷزەتۋلەرمەن مەجٸلٸسكە قايتارۋ تۋرالى شەشٸم قابىلدادى», - دەپ جازدى پرەزيدەنت كٶمەكشٸسٸ Telegram كانالىندا.
ونىڭ اتاپ ٶتۋٸنشە, جەر تۋرالى پرەزيدەنتتٸك زاڭ جوباسىنىڭ تىڭعىلىقتى ەرٸ بەلسەندٸ تالقىعا تٷسۋٸ بارلىق تاراپتىڭ جوعارى مٷددەلٸك تانىتىپ وتىرعاندىعىن, قوعامدى بۇل مەسەلە ايرىقشا تولعاندىراتىن بٸلدٸرەدٸ.
«بٸرنەشە رەت اتالىپ ٶتٸلگەندەي, جەر تۋرالى پرەزيدەنتتٸك زاڭ جوباسى اۋىل شارۋاشىلىعى جەرلەرٸن شەتەل ازاماتتارىنا جەنە شەتەلدٸك كاپيتال قاتىساتىن كومپانييالارعا ساتۋعا جەنە جالعا بەرۋگە شەكتەۋ ەنگٸزۋدٸ كٶزدەيدٸ. سونىمەن قاتار شەتەلدٸك تۇلعالاردىڭ اۋىل شارۋاشىلىعى جەرلەرٸنە يەلٸك ەتۋٸنٸڭ قانداي دا بٸر مٷمكٸنشٸلٸگٸن جوياتىن ٶزگە دە نورمالار قاراستىرىلعان. مەسەلەن, قازاقستان رەسپۋبليكاسىندا تٸرۋەلگەن كومپانييانىڭ قاتىسۋشىلارى قۇرامىنا شەتەلدٸك نەمەسە ازاماتتىعى جوق تۇلعا, شەتەلدٸك زاڭدى تۇلعا كٸرگەن جاعدايدا اۋىل شارۋاشىلىعى جەرٸنە جەكەمەنشٸك قۇقىعى, سونداي-اق جالعا الۋ قۇقىعى قايتارىپ الىنادى. دەل وسىنداي ەرەجە قازاقستان رەسپۋبليكاسى ازاماتتىعى توقتاتىلعان تۇلعالارعا دا قولدانىلادى. مۇنداي جاعدايدا اۋىل شارۋاشىلىعى جەر ۋچاسكەسٸ ازاماتتىق توقتاتىلعان سەتتەن باستاپ ٷش ايدىڭ ٸشٸندە مەملەكەتكە قايتارىلۋى تيٸس», - دەدٸ ەرلان قارين.
ايتا كەتەيٸك, بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸ وقىلىمدا قارالدى. قۇجاتقا تٷزەتۋلەر ەنگٸزٸلٸپ, مەجٸلٸسكە قايتارىلدى.
