Memlekettik organdar men Ulttyq keńes músheleri arasynda ózara áreket etý kúsheitildi. Bul týraly Ulttyq qoǵamdyq senim keńesiniń tórtinshi otyrysynda QR Prezidentiniń kómekshisi Erlan Qarin málim etti, dep habarlaidy QazAqparat.
«Jańa usynystardy qalyptastyrý, jan-jaqty talqylaý maqsatynda memlekettik organdar men Ulttyq keńes músheleri arasynda ózara áreket etý kúsheitildi. Osy oraida jańa onlain formatta Ulttyq keńes múshelerimen Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinmen, Bilim jáne ǵylym ministri Ashat Aimaǵambetovpen, Ekologiia, geologiia jáne tabiǵi resýrstar ministri Maǵzum Myrzaǵalievpen, Eńbek jáne halyqty áleýmettik qorǵaý ministri Birjan Nurymbetovpen, Aýyl sharýashylyǵy ministri Saparhan Omarovpen, Densaýlyq saqtaý ministri Aleksei Tsoimen kezdesýler ótkizildi. Jalpy alǵanda mundai segiz talqylaý men kezdesý uiymdastyryldy», - dedi E. Qarin.
Onyń sózine qaraǵanda, aldyn ala bekitilgen kestege sáikes, jyldyń sońyna deiin basqa da ministrlikter basshylyǵymen kezdesýler uiymdastyrý josparanǵan.
«Buǵan qosa, Memleket basshysy men Ulttyq keńes músheleriniń jeke kezdesýlerin ótkizý tájiribesi jalǵastyryldy. Biyl osyndai 8 kezdesý ótti. Jalpy, ótken jyldan beri mundai 24 kezdesý uiymdastyryldy. Jeke kezdesýlerde Ulttyq keńes músheleri tarapynan aitylǵan usynystar erekshe nazarǵa alynǵan. Atalǵan jumystardyń barlyǵy Ulttyq keńestiń tiimdi qyzmet etýine yqpal etedi jáne ary qarai da bul baǵyttarda jumys júrgizý jalǵastyrylady», - dedi Erlan Qarin.
