مەملەكەتتٸك ورگاندار مەن ۇلتتىق كەڭەس مٷشەلەرٸ اراسىندا ٶزارا ەرەكەت ەتۋ كٷشەيتٸلدٸ. بۇل تۋرالى ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسىندا قر پرەزيدەنتٸنٸڭ كٶمەكشٸسٸ ەرلان قارين مەلٸم ەتتٸ, دەپ حابارلايدى قازاقپارات.
«جاڭا ۇسىنىستاردى قالىپتاستىرۋ, جان-جاقتى تالقىلاۋ ماقساتىندا مەملەكەتتٸك ورگاندار مەن ۇلتتىق كەڭەس مٷشەلەرٸ اراسىندا ٶزارا ەرەكەت ەتۋ كٷشەيتٸلدٸ. وسى ورايدا جاڭا ونلاين فورماتتا ۇلتتىق كەڭەس مٷشەلەرٸمەن تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسينمەن, بٸلٸم جەنە عىلىم مينيسترٸ اسحات ايماعامبەتوۆپەن, ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆپەن, ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆپەن, اۋىل شارۋاشىلىعى مينيسترٸ ساپارحان وماروۆپەن, دەنساۋلىق ساقتاۋ مينيسترٸ الەكسەي تسويمەن كەزدەسۋلەر ٶتكٸزٸلدٸ. جالپى العاندا مۇنداي سەگٸز تالقىلاۋ مەن كەزدەسۋ ۇيىمداستىرىلدى», - دەدٸ ە. قارين.
ونىڭ سٶزٸنە قاراعاندا, الدىن الا بەكٸتٸلگەن كەستەگە سەيكەس, جىلدىڭ سوڭىنا دەيٸن باسقا دا مينيسترلٸكتەر باسشىلىعىمەن كەزدەسۋلەر ۇيىمداستىرۋ جوسپارانعان.
«بۇعان قوسا, مەملەكەت باسشىسى مەن ۇلتتىق كەڭەس مٷشەلەرٸنٸڭ جەكە كەزدەسۋلەرٸن ٶتكٸزۋ تەجٸريبەسٸ جالعاستىرىلدى. بيىل وسىنداي 8 كەزدەسۋ ٶتتٸ. جالپى, ٶتكەن جىلدان بەرٸ مۇنداي 24 كەزدەسۋ ۇيىمداستىرىلدى. جەكە كەزدەسۋلەردە ۇلتتىق كەڭەس مٷشەلەرٸ تاراپىنان ايتىلعان ۇسىنىستار ەرەكشە نازارعا الىنعان. اتالعان جۇمىستاردىڭ بارلىعى ۇلتتىق كەڭەستٸڭ تيٸمدٸ قىزمەت ەتۋٸنە ىقپال ەتەدٸ جەنە ارى قاراي دا بۇل باعىتتاردا جۇمىس جٷرگٸزۋ جالعاستىرىلادى», - دەدٸ ەرلان قارين.
