Ulttyq qoǵamdyq senim keńesiniń alǵashqy otyrysy 6 qyrkúiekte ótedi. Otyrysqa Qazaqstan Prezidenti Qasym-Jomart Toqaev qatysady. Bul týraly Memleket basshysynyń keńesshisi, Ulttyq keńes hatshysy Erlan Qarin málim etti, dep habarlaidy QazAqparat.
«Memleket basshysynyń qatysýymen Ulttyq qoǵamdyq senim keńesiniń alǵashqy otyrysy shamamen 6 qyrkúiekte ótedi. Qazirgi ýaqytta alǵashqy keńeitilgen otyrysqa qyzý daiyndyq júrgizilip jatyr», - dedi «Nur Otan» partiiasy Saiasi keńesiniń keńeitilgen otyrysynan keiin Erlan Qarin.
Onyń aitýyna qaraǵanda, osy jyldyń shilde men tamyz ailarynda Almaty jáne Nur-Sultan qalalarynda Ulttyq keńeske múshelikke engen azamattarmen kezdesý ótkizilgen. Sondai-aq, talqylaý barysynda Ulttyq qoǵamdyq senim keńesiniń alǵashqy otyrysynyń aldynda uiymdastyrýshylyq jiyndy ótkizý kelisilgen.
«Ishki suraqtardy - Ulttyq keńes jumysynyń jalpy reglamentin, jumys toptaryn qurý máseleleri men quramyn talqylaý úshin aldyn ala jiyn ótedi. Uiymdastyrýshylyq jiyn 28 tamyzǵa josparlanǵan», - dep túsindirdi Erlan Qarin.
