ۇلتتىق قوعامدىق سەنٸم كەڭەسٸنٸڭ العاشقى وتىرىسى 6 قىركٷيەكتە ٶتەدٸ. وتىرىسقا قازاقستان پرەزيدەنتٸ قاسىم-جومارت توقاەۆ قاتىسادى. بۇل تۋرالى مەملەكەت باسشىسىنىڭ كەڭەسشٸسٸ, ۇلتتىق كەڭەس حاتشىسى ەرلان قارين مەلٸم ەتتٸ, دەپ حابارلايدى قازاقپارات.
«مەملەكەت باسشىسىنىڭ قاتىسۋىمەن ۇلتتىق قوعامدىق سەنٸم كەڭەسٸنٸڭ العاشقى وتىرىسى شامامەن 6 قىركٷيەكتە ٶتەدٸ. قازٸرگٸ ۋاقىتتا العاشقى كەڭەيتٸلگەن وتىرىسقا قىزۋ دايىندىق جٷرگٸزٸلٸپ جاتىر», - دەدٸ «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىنان كەيٸن ەرلان قارين.
ونىڭ ايتۋىنا قاراعاندا, وسى جىلدىڭ شٸلدە مەن تامىز ايلارىندا الماتى جەنە نۇر-سۇلتان قالالارىندا ۇلتتىق كەڭەسكە مٷشەلٸككە ەنگەن ازاماتتارمەن كەزدەسۋ ٶتكٸزٸلگەن. سونداي-اق, تالقىلاۋ بارىسىندا ۇلتتىق قوعامدىق سەنٸم كەڭەسٸنٸڭ العاشقى وتىرىسىنىڭ الدىندا ۇيىمداستىرۋشىلىق جيىندى ٶتكٸزۋ كەلٸسٸلگەن.
«ٸشكٸ سۇراقتاردى - ۇلتتىق كەڭەس جۇمىسىنىڭ جالپى رەگلامەنتٸن, جۇمىس توپتارىن قۇرۋ مەسەلەلەرٸ مەن قۇرامىن تالقىلاۋ ٷشٸن الدىن الا جيىن ٶتەدٸ. ۇيىمداستىرۋشىلىق جيىن 28 تامىزعا جوسپارلانعان», - دەپ تٷسٸندٸردٸ ەرلان قارين.
