QR Prezidentiniń keńesshisi Erlan Qarin Ulttyq qoǵamdyq senim keńesin qurý baǵytynda usynystar kóptep túsip jatqanyn málim etti, dep habarlaidy QazAqparat.
«Ulttyq keńestiń jumysyn úilestirý máselesi boiynsha azamattyq qoǵam ókilderimen keńesý qaýlyǵa qol qoiylǵannan-aq bastalyp ketti. Kezdesýler tipti ótken demalys kúnderi de kóptep ótkizildi. Qazir de jalǵasýda. Qoǵamnyń ártúrli segmentterindegi qairatkerlermen, azamattyq belsendilermen kezdesýler ótip jatyr. Ártúrli máseleler kóterilip jatqandyqtan, talqylaýǵa qatysty qandai da bir qorytyndy jasaýǵa áli erte. Biz qazirgi ýaqytta Ulttyq keńestiń jumys formaty men quramyna qatysty barlyq usynystardy tirkep jatyrmyz», - deidi Erlan Qarin.
QR Prezidentiniń keńesshisi barlyq usynystar saralanyp, taldanatynyn aitady.
«Biraq, qazirdiń ózinde qurylyp jatqan Ulttyq keńestiń jumysyna qoǵam qairatkerleri úlken qyzyǵýshylyq tanytyp otyrǵanyn atap ótkim keledi. Olar belsendi túrde pikir bildirip, dialog alańynyń kún tártibine qatysty oilaryn ortaǵa salyp jatyr», - deidi Erlan Qarin.
Aita keteiik, Qazaqstan Prezidenti Qasym-Jomart Toqaevtyń jarlyǵymen Ulttyq qoǵamdyq senim keńesi qurylǵan bolatyn. Onyń quramyna barlyq birlestik ókilderi men jastar enedi. Ulttyq qoǵamdyq senim keńesiniń alǵashqy otyrysy osy jyldyń tamyz aiynda ótedi.
