QR Prezidentiniń kómekshisi Erlan Qarin Ulttyq qoǵamdyq senim keńesiniń bastamalary qalai júzege asyrylyp jatqanyn aitty, dep habarlaidy "Ult aqparat".
«Ulttyq keńestiń taǵy bir bastamasy júzege asyrylý satysynda tur. Búgin Aýyl sharýashylyǵy ministri Saparhan Omarov Ulttyq qoǵamdyq senim keńesi múshelerimen onlain kezdesý barysynda Ulttyq keńestiń ekinshi otyrysyndaǵy Prezident tapsyrmasyn júzege asyrý maqsatynda «Jerdi paidalaný jáne qorǵaýda memlekettik baqylaýdy jetildirý máseleleri boiynsha QR-nyń keibir qańnamalyq aktilerine ózgerister men qosymshalar engizý týraly« QR zańy jobasynyń ázirlengenin aitty», - dep jazdy Erlan Qarin Facebook-paraqshasynda.
Onyń atap ótýinshe, zań jobasy múddeli memlekettik organdarmen kelisý satysyna shyǵarylǵan. Taiaý ýaqytta Premer-Ministr keńesine, odan ary QR Parlamenti Májilisine engiziletin bolady.
«Ótken aptada Májilis aýyl sharýashylyǵy maqsatyndaǵy jerdi paidalanbaǵany úshin bazalyq salyqtyq mólsherlemeni 10-nan 20 esege deiin arttyrýdy kózdeitin zań jobasyn maquldady. Bul sharalardyń barlyǵyn da Ulttyq keńestiń 2-otyrysynda Prezident aitqan edi. Mine, osylai apta saiyn Ulttyq keńes aiasynda jariialanǵan bastamalardyń júzege asyrylýy barysy týraly jańa aqparattar túsip jatady. Bastamalardyń basym bóliginiń júzege asyrylǵany belgili. UQSK hatshylyǵy qalǵandaryn memlekettik organdardyń olardy qalai zerdeleýin qadaǵalap otyr. Sonymen qatar memlekettik organdardyń basshylarmen onlain formatyndaǵy kezdesýler jalǵasýda», - dedi Erlan Karin.
