Erlan Qarin Qazaqstan Respýblikasy Prezidentiniń kómekshisi bolyp taǵaiyndalyp, QR Prezidentiniń keńesshisi qyzmetinen bosatyldy, dep habarlaidy Aqorda.
«Erlan Tynymbaiuly Qarin Qazaqstan Respýblikasy Prezidentiniń kómekshisi bolyp taǵaiyndalsyn, ol Qazaqstan Respýblikasy Prezidentiniń keńesshisi qyzmetinen bosatylsyn», - delingen Jarlyq mátininde.
Erlan Qarin 1976 jyly Ońtústik Qazaqstan oblysy, Sairam aýdany, Aqsý aýylynda týǵan.
1997 jyly K. Jubanov atyndaǵy Aqtóbe memlekettik ýniversitetin, 1999 jyly Ál-Farabi atyndaǵy Qazaq memlekettik ýniversitetin aspirantýrasyn bitirgen.
Saiasi ǵylymdarynyń kandidaty.
1997-1998 jyldary – Aqtóbe qalasynyń №33 mektebinde geografiia jáne tarih pánderiniń muǵalimi.
1998-2000 jyldary – Qazaqstan damý institýtynda saiasi zertteýler ortalyǵynyń qyzmetkeri, Qytai jáne Resei institýty direktorynyń orynbasary.
2000-2002 jyldary – Ortalyq Aziia saiasi zertteýler agenttiginiń direktory.
2002-2003 jyldary – Qazaqstan Respýblikasynyń Premer-Ministriniń shtattan tys keńesshisi.
2003-2004 jyldary – Respýblikalyq «Asar» partiiasy tóraǵasynyń birinshi orynbasary, zamanaýi saiasat Halyqaralyq institýtynyń bas direktory.
2004-2006 jyldary – Antiterroristik baǵdarlamalar ortalyǵynyń basshysy.
2006-2008 jyldary – Mańǵystaý oblysy ákiminiń saiasi máseleler jónindegi keńesshisi.
2008 jylǵy aqpan-qarasha – Qazaqstan Respýblikasy Prezidentiniń Ákimshiligi Ishki saiasat bóliminiń meńgerýshisi.
2008-2013 jyldary – «Nur Otan» HDP-nyń strategiialyq damý boiynsha hatshysy.
2013-2014 jyldary – Vashington Ýniversitetiniń (AQSh) arnaiy shaqyrylǵan professory.
2014-2017 jyldary – Qazaqstan Respýblikasy Prezidentiniń janyndaǵy Qazaqstan strategiialyq zertteýler institýtynyń direktory.
2017-2019 jyldary – «Qazaqstan» respýblikalyq teleradiokorporatsiia» aktsionerlik qoǵamynyń basqarma tóraǵasy.
2019 jyldyń 5 sáýirden 2020 jyldyń shildesine deiin Prezidentiniń keńesshisi bolǵan.
«Qurmet» ordenimen, «Qazaqstan Respýblikasynyń Qarýly Kúshterine 20 jyl», «Qazaqstan Respýblikasynyń Prokýratýrasyna 25 jyl», Qazaqstan Respýblikasynyń Ulttyq qaýipsizdik komitetiniń «Ulttyq qaýipsizdikti qamtamasyz etýge qosqan úlesi úshin» medaldarymen marapattalǵan.
