QR Prezidentiniń kómekshisi Erlan Qarin prezidenttik zań jobasy boiynsha jumys qalai júrip jatqanyn aitty, dep habarlaidy "Ult aqparat".
«Áleýmettik jelide sheteldikterge jer satý máselesi Jer komissiiasy aiasynda qaitadan qarastyrylýy múmkin, bilik qaita qarastyrýy yqtimal degen syndy pikirler keide kezdesip qalady. Bul áńgimelerdiń barlyǵy - naǵyz jalǵan málimet ári spekýliatsiia. Máselege qatysty pikirtalasqa núkte qoiylǵan. 12 naýryzda Prezident óziniń zańnamaǵa bastamashylyq quqyǵyn paidalanyp, Parlamentke sheteldikterge jerdi satýǵa jáne jalǵa berýge tyiym belgileitin tiisti zań jobasyn jibergen. Ony depýtattar óz jumystaryna birden qabyldap, bekitilgen protsedýra aiasynda qarastyryp ta jatyr», - dep jazdy Erlan Qarin Telegram paraqshasynda.
Onyń atap ótýinshe, atalǵan zań zań jobasy boiynsha Májiliste jumys toby quryldy. Top quramyna qoǵam, memlekettik organdardyń, parlamenttik emes partiialardyń ókilderi men sarapshylar kirdi.
«18 naýryzda, parlament qabyrǵasynda jumys tobynyń birinshi otyrysy ótti. Búgin tús aýa atalǵan toptyń kezekti otyrysy ótýi tiis. Demek, protsess tolyq qarqynmen júrip jatyr. Al jer komissiiasy ózge máseleni, aýyl sharýashylyǵy jerlerin paidalaný jaiyn qaraidy», - dedi QR Prezidentiniń kómekshisi.
