Erlan Qarin: Konstitýtsiialyq reformany iske asyrý kezeń-kezeńimen júrgizilýde

Foto: Aqorda

Memlekettik keńesshi Erlan Qarin biyl naýryz aiynda qabyldanǵan jańa Konstitýtsiianyń negizgi erejeleri men normalaryn iske asyrý jumystary kezeń-kezeńimen júzege asyrylyp jatqanyn málimdedi, dep habarlaidy Ult.kz.

Onyń aitýynsha, búgin Parlament Palatalarynyń birlesken otyrysynda depýtattar birinshi oqylymda úsh zań jobasyn qarady.

Atap aitqanda:

1. «Qazaqstan Respýblikasynyń Prezidenti týraly» Konstitýtsiialyq zańnyń jańa redaktsiiasy (8 taraý, 43 bap)
2. «Qazaqstan Respýblikasynyń Quryltaiy jáne onyń depýtattarynyń mártebesi týraly» Konstitýtsiialyq zańnyń jańa redaktsiiasy (12 taraý, 60 bap) 
3. «Qazaqstan Respýblikasyndaǵy sailaý týraly» Konstitýtsiialyq zańǵa ózgerister men tolyqtyrýlar engizý týraly zań jobasy 

Erlan Qarin usynylyp otyrǵan ózgeristerdiń negizgi maqsaty qoldanystaǵy zańnamany jańa Konstitýtsiiaǵa beiimdeý ekenin atap ótti.

Sonymen qatar, bul bastamalar memlekettik-saiasi júieni institýtsionaldyq turǵydan jańartýǵa jáne saiasi jańǵyrý úderisin jalǵastyrýǵa baǵyttalǵan júieli quqyqtyq negiz qalyptastyrýǵa múmkindik beretinin aitty.

Memlekettik keńesshiniń pikirinshe, zańnamany úilestirý jumystary jáne aldaǵy Quryltai sailaýy elimizdiń damýynda jańa kezeńniń bastalǵanyn kórsetedi.

«Bul úderis konstitýtsiialyq qaǵidattar men Ádiletti Qazaqstan qundylyqtary negizinde elimizdi órkendetýdiń jańa kezeńin aiqyndaidy», – dedi Erlan Qarin.