Búgin Qazaqstan Respýblikasynyń Memlekettik hatshysy Erlan Qarin Eýropa Odaǵyna múshe memleketterdiń elimizde akkredittelgen diplomatiialyq ókildikteriniń basshylarymen kezdesti, dep habarlaidy Aqordanyń baspasóz qyzmeti.
Memlekettik hatshy diplomattarǵa Qasym-Jomart Toqaevtyń saiasi reformalarynyń mán-mańyzy týraly aityp, Prezidenttiń jaqynda Qazaqstan halqyna arnaǵan «Jańa Qazaqstan: jańarý men jańǵyrý joly» atty Joldaýynyń negizgi qaǵidalaryna toqtaldy.
Elimizdiń sýperprezidenttik júieden myqty Parlamenti bar prezidenttik respýblikaǵa kóshý tetikterine, sonyń ishinde, Májilisti qalyptastyrýdyń proportsionaldy-majoritarlyq júiesine, palatalardyń ókilettikterin keńeitý, saiasi partiialardy tirkeý tártibin yryqtandyrý, jergilikti ózin-ózi basqarý institýttaryn jetildirý, memlekettiń ákimshilik-aýmaqtyq qurylymyn reformalaý, zań ústemdigi qaǵidattaryn nyǵaitý máselelerine erekshe kóńil bólindi.
