Aqparat jáne qoǵamdyq damý ministrligi Ortalyq sailaý komissiiasymen birge «ÚEU akademiiasy» bilim berý jobasy sheńberinde sailaýdy baiqaý negizderin túsindirýge arnalǵan seminar ótkizip jatyr, dep habarlaidy QazAqparat.
Otyrysqa onlain rejimde 500-den astam qatysýda. Ortalyq sailaý komissiiasynyń múshesi Erlan Daýylbaev sailaýdy baiqaý negizderin túsindirdi.
«Daýys berýge arnalǵan nysanda sailaý ýchaskesi ashylǵan sátten bastap daýys berý qorytyndysy shyqqanǵa deiin daýys sanaý barysyna myna azamattar qatysýǵa quqyly: halyqaralyq baiqaýshylar (olar aýdarmashymen júrýi múmkin), sheteldik buqaralyq aqparat quraldarynyń ókilderi (olardyń sany shektelmeidi). Otandyq baiqaýshylar týraly aitar bolsaq, árbir saiasi partiiadan, basqa da qoǵamdyq uiymdardan nemese kommertsiialyq emes uiymdardan bir ýaqytta bir-bir baiqaýshydan qatysa alady», - dedi Erlan Daýylbaev.
Onyń aitýynsha bul talap saiasi partiialardyń senimdi ókilderine de jáne qazaqstandyq BAQ ókilderine de qatysty ekenin jetkizdi.
«Daýys berýge arnalǵan nysandaǵy adamdar sailaý komissiiasy bekitken erejelerdi qatań saqtaýy kerek. Ol erejelerde baiqaýshylar men daýys berýshilerdiń quqyqtary men mindettemeleri naqty bekitilgen. Daýys berý kúni ýchaskelik sailaý komissiiasynyń tóraǵasy komissiianyń ashyqtyǵyn qamtamasyz etip, sailaýshylardyń belsendi sailaý quqyǵyn túsindirýi kerek. Ol sailaý ýchaskesindegi sailaýshylardyń sanyn qadaǵalap, tártip úshin jaýapty bolady, konstitýtsiialyq zańdaǵy tártipti buzyp, daýys berýge kedergi keltirgen kez kelgen adamdy nysannan shyǵarýǵa quqyly», - dedi ol.
