اقپارات جەنە قوعامدىق دامۋ مينيسترلٸگٸ ورتالىق سايلاۋ كوميسسيياسىمەن بٸرگە «ٷەۇ اكادەميياسى» بٸلٸم بەرۋ جوباسى شەڭبەرٸندە سايلاۋدى بايقاۋ نەگٸزدەرٸن تٷسٸندٸرۋگە ارنالعان سەمينار ٶتكٸزٸپ جاتىر, دەپ حابارلايدى قازاقپارات.
وتىرىسقا ونلاين رەجيمدە 500-دەن استام قاتىسۋدا. ورتالىق سايلاۋ كوميسسيياسىنىڭ مٷشەسٸ ەرلان داۋىلباەۆ سايلاۋدى بايقاۋ نەگٸزدەرٸن تٷسٸندٸردٸ.
«داۋىس بەرۋگە ارنالعان نىساندا سايلاۋ ۋچاسكەسٸ اشىلعان سەتتەن باستاپ داۋىس بەرۋ قورىتىندىسى شىققانعا دەيٸن داۋىس ساناۋ بارىسىنا مىنا ازاماتتار قاتىسۋعا قۇقىلى: حالىقارالىق بايقاۋشىلار (ولار اۋدارماشىمەن جٷرۋٸ مٷمكٸن), شەتەلدٸك بۇقارالىق اقپارات قۇرالدارىنىڭ ٶكٸلدەرٸ (ولاردىڭ سانى شەكتەلمەيدٸ). وتاندىق بايقاۋشىلار تۋرالى ايتار بولساق, ەربٸر ساياسي پارتييادان, باسقا دا قوعامدىق ۇيىمداردان نەمەسە كوممەرتسييالىق ەمەس ۇيىمداردان بٸر ۋاقىتتا بٸر-بٸر بايقاۋشىدان قاتىسا الادى», - دەدٸ ەرلان داۋىلباەۆ.
ونىڭ ايتۋىنشا بۇل تالاپ ساياسي پارتييالاردىڭ سەنٸمدٸ ٶكٸلدەرٸنە دە جەنە قازاقستاندىق باق ٶكٸلدەرٸنە دە قاتىستى ەكەنٸن جەتكٸزدٸ.
«داۋىس بەرۋگە ارنالعان نىسانداعى ادامدار سايلاۋ كوميسسيياسى بەكٸتكەن ەرەجەلەردٸ قاتاڭ ساقتاۋى كەرەك. ول ەرەجەلەردە بايقاۋشىلار مەن داۋىس بەرۋشٸلەردٸڭ قۇقىقتارى مەن مٸندەتتەمەلەرٸ ناقتى بەكٸتٸلگەن. داۋىس بەرۋ كٷنٸ ۋچاسكەلٸك سايلاۋ كوميسسيياسىنىڭ تٶراعاسى كوميسسييانىڭ اشىقتىعىن قامتاماسىز ەتٸپ, سايلاۋشىلاردىڭ بەلسەندٸ سايلاۋ قۇقىعىن تٷسٸندٸرۋٸ كەرەك. ول سايلاۋ ۋچاسكەسٸندەگٸ سايلاۋشىلاردىڭ سانىن قاداعالاپ, تەرتٸپ ٷشٸن جاۋاپتى بولادى, كونستيتۋتسييالىق زاڭداعى تەرتٸپتٸ بۇزىپ, داۋىس بەرۋگە كەدەرگٸ كەلتٸرگەن كەز كەلگەن ادامدى نىساننان شىعارۋعا قۇقىلى», - دەدٸ ول.
