Almatyda paramen ustalǵan teatr direktorynyń soty bastaldy, dep habarlaidy QazAqparat tilshisi.
Basty sot talqylaýy Almaly aýdandyq sotynda 15:00-de bastaldy.
Sot aldynda M.Áýezov atyndaǵy qazaq memlekettik akademiialyq teatrynyń eks-direktory Erlan Bilál jaýap berip jatyr, dep habarlaidy QazAqparat tilshisi sot zalynan.
Erlan Bilálge qatysty QR QK 366-babynyń 2-bóligimen, 24-babynyń 3-bóligimen aiyp taǵylyp otyr.
Aita ketý kerek, M.Áýezov atyndaǵy qazaq memlekettik akademiialyq teatrynyń eks-direktory Erlan Bilál teatr ǵimaratynda 900 myń teńgemen ustalǵan bolatyn.
Sybailas jemqorlyqqa qarsy is-qimyl ulttyq biýrosynyń Almaty oblysy boiynsha departamenti baspasóz qyzmetiniń habarlaýynsha, kúdikti kinásin moinyna alǵandyqtan, kepilmen bosatylǵan bolatyn.
Keiinirek sot sanktsiiasymen Erlan Bilál 1 mln 205 myń teńge kóleminde kepil somasyn tóledi.
