Foto: videodan kadr
Baǵlan Ábdiraiymovtyń "erkekti úidegi áieli qurtady" degen málimdemesine "Jańa adamdar" qozǵalysynyń belsendileri erekshe jaýap qaitardy. Olar ánshige "Másele ózimde" degen jazýy bar aina syilady, dep habarlaidy Ult.kz.
Bul syilyq akterge ómirindegi qiyndyqtardyń shyn máninde kimnen týyndaitynyn túsinýge kómektesýi kerek degen oida belsendiler.
Jaqynda Baǵlan Ábdiraiymov kópshilik aldynda "Erkekti bankrot bolý, araq, qumar oiyn nemese tóbeles emes, tek úidegi áieli qurtady" degen pikir aitqan edi.
"Jańa adamdar" qozǵalysynyń ókilderi ánshini óz máseleleriniń sebebin ózgelerden izdemei, ainaǵa qarap, tereńirek oilanýǵa shaqyrdy. Olar, bálkim, Baǵlan Ábdiraiymov máseleniń ózinde ekenin túsinip, orynsyz málimdeme jasaýdy toqtatar dep úmittenedi.
"Biz Baǵlandy osy erekshe syilyqty Máńgilik El kóshesi, V2.2 mekenjaiyndaǵy astanalyq Kampýsten alyp ketýge shaqyramyz," – dedi qozǵalys belsendileri.
