18 qyrkúiekte Erevannyń ortalyǵyndaǵy Bostandyq alańynda miting ótti. Oǵan qatysýshylar Armeniianyń Ujymdyq qaýipsizdik týraly shart uiymynan (UQShU) shyǵýyn talap etti, - dep habarlaidy Massaget.kz portaly Deutsche Welle basylymyna silteme jasap.
Reseilik BAQ-tyń baǵalaýy boiynsha mitingke birneshe myńǵa jýyq adam jinalǵan. Miting AQSh Kongresi Ókilder palatasynyń spikeri Nensi Pelosidiń Erevanǵa sapary aiasynda ótken.
Aktsiiaǵa tóraǵasy Tigran Hzmalian bastaǵan Armeniianyń Eýropalyq partiiasynyń ókilderi qatysqan. Onyń aitýynsha, Resei men Túrkiia "áskerge qarsy kelisimge" qol qoiǵan, onyń nátijesi Taýly Qarabaqty joǵaltýǵa ákelgen.
"UQShU men EAEO-dan shyǵyp, NATO men EO-ǵa qosylsaq, joǵaltqanymyzdy, jerimizdi qaitaramyz", - dedi saiasatker.
Narazylyq bildirýshiler Armeniia UQShU-dan shyqqan jaǵdaida Batystyń áskeri kómegin ala alatynyn málimdedi.
Nensi Pelosi 17 qyrkúiekte Ázerbaijanmen shekarada qaqtyǵys shielenisýine bailanysty Armeniiaǵa ushyp kelgen. Ol AQSh Armeniianyń qaýipsizdigi men demokratiiasyn qoldaitynyna sendirgen.
Pelosi premer-ministr Nikolas Pashinianmen kezdesýde AQSh Taýly Qarabaq máselesine qatysty Túrkiiaǵa qarsy kúreste Armeniianyń dosy ekenin aitqan.
"Biz - eldegi demokratiiaǵa járdemdesý, armian genotsidin taný týraly qarar, Taýly Qarabaq máselesinde Túrkiiaǵa qarsy is-qimyl jáne barlyq basqa másele boiynsha Armeniianyń dosymyz. Biz bul jerde sizdiń úkimetke degen qurmetimizden turmyz", - dedi spiker.
Jeksenbide ótken brifingte Pelosi "Ázerbaijannyń joiqyn soqqylaryn" aiyptap, ony Armeniianyń egemendigine shabýyl dep atady. Ázerbaijan SIM ókilderi bul málimdemelerdi negizsiz jáne ádiletsiz dep tanydy, olar "aimaqtaǵy jaǵdaidy burmalaitynyn" aityp, "shielenisti kúsheitetinin" málimdedi.
