Ereýildi toqtatqan barlyq kenshige olardyń jazaǵa tartylmaityny týraly ýáde berildi, - dep habarlaidy "Ult aqparat" Qaraǵandy oblysynyń ákimdiginiń baspasóz qyzmetine silteme jasap.
Qaraǵandy oblysynyń ákimi Erlan Qoshanov pen "ArselorMittal Temirtaý" AQ atqarýshy direktory Vadim Basinmen ótken kezdesýden keiin birinshi bolyp jer betine "Kazahstanskaia" shahtasynyń kenshileri shyqty. Artynsha "Shahtinskaia", "Tentekskaia", "Lenin" shahtasynyń kenshileri kóterildi.
Saǵat 01.00-de barlyq kenshi (shamamen 420 adam) kóterildi.
"Kenshilerge jumys berýshiler usynǵan sharttar týraly aityldy: barlyq jer asty qyzmetkerlerine 30 paiyzǵa jalaqyny kóterý. Jer betinde jumys isteitin kómir kásiporyndary qyzmetkerleriniń jalaqysyn kóbeitý mólsherin aldaǵy kelissózder barysynda Kelisý komissiiasy anyqtaityn bolady. Kompaniianyń kómir departamentiniń barlyq jumyskerlerine eńbekaqy kóleminde bir rettik syiaqy tólenetin bolady", - dep habarlady baspasóz qyzmetindegiler.
Sondai-aq, jumys berýshilermen 15 jeltoqsandy demalys kúni dep jariialap, jumysqa 16 jeltoqsannan bastap kirisý týraly usynys jasaldy.
"Kenshiler arasynda Shahtinsk qalasy prokýrorynyń qoly qoiylǵan hat taratyldy. Hatta osy ereýilge qatysqany úshin kenshilerdi qylmystyq qýdalaýdan bosatý kepildigi berilgen. Sonymen qatar, prokýratýra organy qajet bolǵan jaǵdaida osy máselege qatysty quqyqtyq qoldaý kórsetýge daiyn ekenin bildirdi.
Quramyna yntaly top músheleri, kásipodaq komitetteri, prokýratýra ókilderi, shahtalardyń direktorlary, sondai-aq oblys jáne AMT basshylyǵy engen Kelisý komissiiasy sheńberinde kenshiler jumys berýshimen áli de kelissózderdi jalǵastyrady", - dep habarlady Qaraǵandy oblysy ákimdiginiń baspasóz qyzmeti.
Al, "ArselorMittal Temirtaý" kompaniiasynyń taratqan málimdemesine qaraǵanda, shahtalardyń jumysy qaita jandanǵan.
"15 jeltoqsanda "Saranskaia", "Abaiskaia", Kúzembaev atyndaǵy, Kostenko atyndaǵy shahtalar jumysyna kiristi. Qazirgi ýaqytta kómir departamentiniń basqa da shahtalarynyń jumysyn qaita jandandyrý jumystary júrip jatyr", - delingen kompaniianyń habarlamasynda.
Sonymen qatar, bolat departamentinde metallýrgiialyq kombinattyń jáne qurylǵylardyń tirshilikti qamtamasyz etý júiesin iske qosýǵa baǵyttalǵan jumystar júrip jatqany aitylady.
"Jumysshylar kómir tapshylyǵyna bailanysty óndiristegi qiyn máselelerdi sheshý úshin demalys jáne mereke kúnderi jumys isteitin bolady. "ArselorMittal Temirtaý" AQ ákimshiligi men shahterlar arasyndaǵy kelisim komissiiasynyń qatysýymen júrip jatyr", - dedi "ArselorMittal Temirtaý" ókilderi.
Eske salaiyq, 11 jeltoqsanda "ArselorMittal Temirtaý" shahterleri aýysymnan keiin joǵary qarai shyqpai qoiǵan.
