ەرەۋٸلدٸ توقتاتقان بارلىق كەنشٸگە ولاردىڭ جازاعا تارتىلمايتىنى تۋرالى ۋەدە بەرٸلدٸ, - دەپ حابارلايدى "ۇلت اقپارات" قاراعاندى وبلىسىنىڭ ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
قاراعاندى وبلىسىنىڭ ەكٸمٸ ەرلان قوشانوۆ پەن "ارسەلورميتتال تەمٸرتاۋ" اق اتقارۋشى ديرەكتورى ۆاديم باسينمەن ٶتكەن كەزدەسۋدەن كەيٸن بٸرٸنشٸ بولىپ جەر بەتٸنە "كازاحستانسكايا" شاحتاسىنىڭ كەنشٸلەرٸ شىقتى. ارتىنشا "شاحتينسكايا", "تەنتەكسكايا", "لەنين" شاحتاسىنىڭ كەنشٸلەرٸ كٶتەرٸلدٸ.
ساعات 01.00-دە بارلىق كەنشٸ (شامامەن 420 ادام) كٶتەرٸلدٸ.
"كەنشٸلەرگە جۇمىس بەرۋشٸلەر ۇسىنعان شارتتار تۋرالى ايتىلدى: بارلىق جەر استى قىزمەتكەرلەرٸنە 30 پايىزعا جالاقىنى كٶتەرۋ. جەر بەتٸندە جۇمىس ٸستەيتٸن كٶمٸر كەسٸپورىندارى قىزمەتكەرلەرٸنٸڭ جالاقىسىن كٶبەيتۋ مٶلشەرٸن الداعى كەلٸسسٶزدەر بارىسىندا كەلٸسۋ كوميسسيياسى انىقتايتىن بولادى. كومپانييانىڭ كٶمٸر دەپارتامەنتٸنٸڭ بارلىق جۇمىسكەرلەرٸنە ەڭبەكاقى كٶلەمٸندە بٸر رەتتٸك سىياقى تٶلەنەتٸن بولادى", - دەپ حابارلادى باسپاسٶز قىزمەتٸندەگٸلەر.
سونداي-اق, جۇمىس بەرۋشٸلەرمەن 15 جەلتوقساندى دەمالىس كٷنٸ دەپ جارييالاپ, جۇمىسقا 16 جەلتوقساننان باستاپ كٸرٸسۋ تۋرالى ۇسىنىس جاسالدى.
"كەنشٸلەر اراسىندا شاحتينسك قالاسى پروكۋرورىنىڭ قولى قويىلعان حات تاراتىلدى. حاتتا وسى ەرەۋٸلگە قاتىسقانى ٷشٸن كەنشٸلەردٸ قىلمىستىق قۋدالاۋدان بوساتۋ كەپٸلدٸگٸ بەرٸلگەن. سونىمەن قاتار, پروكۋراتۋرا ورگانى قاجەت بولعان جاعدايدا وسى مەسەلەگە قاتىستى قۇقىقتىق قولداۋ كٶرسەتۋگە دايىن ەكەنٸن بٸلدٸردٸ.
قۇرامىنا ىنتالى توپ مٷشەلەرٸ, كەسٸپوداق كوميتەتتەرٸ, پروكۋراتۋرا ٶكٸلدەرٸ, شاحتالاردىڭ ديرەكتورلارى, سونداي-اق وبلىس جەنە امت باسشىلىعى ەنگەن كەلٸسۋ كوميسسيياسى شەڭبەرٸندە كەنشٸلەر جۇمىس بەرۋشٸمەن ەلٸ دە كەلٸسسٶزدەردٸ جالعاستىرادى", - دەپ حابارلادى قاراعاندى وبلىسى ەكٸمدٸگٸنٸڭ باسپاسٶز قىزمەتٸ.
ال, "ارسەلورميتتال تەمٸرتاۋ" كومپانيياسىنىڭ تاراتقان مەلٸمدەمەسٸنە قاراعاندا, شاحتالاردىڭ جۇمىسى قايتا جاندانعان.
"15 جەلتوقساندا "سارانسكايا", "ابايسكايا", كٷزەمباەۆ اتىنداعى, كوستەنكو اتىنداعى شاحتالار جۇمىسىنا كٸرٸستٸ. قازٸرگٸ ۋاقىتتا كٶمٸر دەپارتامەنتٸنٸڭ باسقا دا شاحتالارىنىڭ جۇمىسىن قايتا جانداندىرۋ جۇمىستارى جٷرٸپ جاتىر", - دەلٸنگەن كومپانييانىڭ حابارلاماسىندا.
سونىمەن قاتار, بولات دەپارتامەنتٸندە مەتاللۋرگييالىق كومبيناتتىڭ جەنە قۇرىلعىلاردىڭ تٸرشٸلٸكتٸ قامتاماسىز ەتۋ جٷيەسٸن ٸسكە قوسۋعا باعىتتالعان جۇمىستار جٷرٸپ جاتقانى ايتىلادى.
"جۇمىسشىلار كٶمٸر تاپشىلىعىنا بايلانىستى ٶندٸرٸستەگٸ قيىن مەسەلەلەردٸ شەشۋ ٷشٸن دەمالىس جەنە مەرەكە كٷندەرٸ جۇمىس ٸستەيتٸن بولادى. "ارسەلورميتتال تەمٸرتاۋ" اق ەكٸمشٸلٸگٸ مەن شاحتەرلار اراسىنداعى كەلٸسٸم كوميسسيياسىنىڭ قاتىسۋىمەن جٷرٸپ جاتىر", - دەدٸ "ارسەلورميتتال تەمٸرتاۋ" ٶكٸلدەرٸ.
ەسكە سالايىق, 11 جەلتوقساندا "ارسەلورميتتال تەمٸرتاۋ" شاحتەرلەرٸ اۋىسىمنان كەيٸن جوعارى قاراي شىقپاي قويعان.
