Foto: videodan skrinshot
Astanada múgedek balalar men olardyń ata-anasyn qorlady dep aiyptalǵan bloger ustaldy, dep habarlaidy Ult.kz.
Áleýmettik jelide blogerdiń erekshe kútimdi qajet etetin balalardyń ata-analaryna qatysty ádepsiz jáne qorlaityn sózder aitylǵan videosy taraǵan edi. Politsiia blogerdiń bul áreketine qatysty ákimshilik is qozǵady.
"Video avtory ustalyp, politsiia bólimine jetkizildi. Usaq buzaqylyq faktisi boiynsha jinalǵan materialdar sheshim qabyldaý úshin sotqa jiberiledi.
Astana qalasynyń politsiia departamenti jelide adamnyń jeke basyna qatysty balaǵat, qorlaý sipatyndaǵy sózder aityp, taratý qoldanystaǵy zańnamaǵa sáikes jaýaptylyqqa ákelip soqtyratynyn eskertedi", – dep habarlady vedomstvo.
Politsiia azamattardy kontent jariialaýda jaýapkershilik alýǵa, basqa da adamdardyń quqyqtary men sezimderin qurmetteýge, sondai-aq qoǵamdyq moral men etika normalaryn saqtaýǵa shaqyrdy.
Oqi otyryńyz: Ákim orynbasary men blogerdiń daýly pikirleri: Erekshe jandardyń quqyǵyn kim qorǵaidy?
