Túrkiianyń birinshi hanymy Ámine Erdoǵan elordadaǵy saýda ortalyqtarynyń birinde boldy. SOSO ókilderi áleýmettik jelidegi resmi paraqshasynda Túrkiia prezidentiniń jubaiy men ulynyń sýretin jariialady, dep habarlaidy Baq.kz aqparat agenttigi.
«Búgin elordadaǵy MEGA Silk Way saýda-oiyn saýyq ortalyǵyna Túrkiianyń birinshi hanymy Ámine Erdoǵan uly Nedjmeddin Bilalmen birge keldi», - dep jazǵan SOSO ókilderi instagramdaǵy paraqshasynda.
Esterińizge salyp ótsek, keshe jergilikti ýaqytpen saǵat keshki bester shamasynda Túrkiia prezidenti Rejep Taiyp Erdoǵan mingen «TUR» ushaǵy halyqaralyq Nazarbaev áýejaiyna kelip qondy.
Buǵan deiin Túrkiia basshysy Astanaǵa sapary barysynda Mianmadaǵy jaǵdaidy talqylaitynyn málimdegen bolatyn. Al onyń elordaǵa saparynyń basty maqsaty – Elbasy Nursultan Nazarbaevpen kelissózder júrgizip, Astanadaǵy Ǵylym jáne tehnologiia jónindegi islam yntymaqtastyǵy uiymy sammitine qatysý.
