Foto: REUTERS/Pool/Umit Bektas
Túrkiia prezidenti Rejep Taiyp Erdoǵan elde sailaýdyń ekinshi kezeńi ótýi múmkin degen aqparatty joqqa shyǵarmady, - dep habarlaidy Tengrinews.kz agenttigi DW saityna silteme jasap.
Erdoǵan qarsylasy Kemal Kylychdaroǵlýmen ekinshi týrǵa daiyn ekenin atap ótti. Dúisenbi kúni tańerteńgi jaǵdai boiynsha daýystardy sanaý áli jalǵasyp jatyr.
"Biz sailaý birinshi týrda aiaqtala ma, joq pa bilmeimiz. Halyq bizdi ekinshi týrǵa shyǵarsa, biz bul sheshimdi qurmetteimiz", - dedi Erdoǵan.
Túrkiianyń oppozitsiialyq aliansynyń jetekshisi Kemal Kylychdaroglý da sailaýshylardyń daýys berýdiń ekinshi týryn ótkizý týraly sheshimin moiyndaitynyn aitty.
"Eger elimiz ekinshi týrdy jariialasa, biz mindetti túrde jeńemiz. Qoǵamdaǵy ózgeristerge degen ynta 50 paiyzdan joǵary", - dedi ol.
Aita keteiik, Túrkiiadaǵy prezident sailaýynda berilgen daýystardyń 96,15 paiyzyn sanaý qorytyndysynda kandidattardyń qajetti 50 paiyzdy jinai almaǵany anyqtaldy. Belgili bolǵandai, sailaýshylardyń 49,42 paiyzy qazirgi prezident Rejep Taiyp Erdoǵanǵa daýys bergen. Onyń basty básekelesi Kemal Kylychdaroǵlý 44,88 paiyz daýys jinady.
Túrkiia zańyna sáikes, eger kandidattardyń eshqaisysy daýystardyń jartysynan kóbin jinai almasa, sailaýdyń ekinshi kezeńi ótýi tiis.
