فوتو: REUTERS/Pool/Umit Bektas
تٷركييا پرەزيدەنتٸ رەجەپ تايىپ ەردوعان ەلدە سايلاۋدىڭ ەكٸنشٸ كەزەڭٸ ٶتۋٸ مٷمكٸن دەگەن اقپاراتتى جوققا شىعارمادى, - دەپ حابارلايدى Tengrinews.kz اگەنتتٸگٸ DW سايتىنا سٸلتەمە جاساپ.
ەردوعان قارسىلاسى كەمال كىلىچداروعلۋمەن ەكٸنشٸ تۋرعا دايىن ەكەنٸن اتاپ ٶتتٸ. دٷيسەنبٸ كٷنٸ تاڭەرتەڭگٸ جاعداي بويىنشا داۋىستاردى ساناۋ ەلٸ جالعاسىپ جاتىر.
"بٸز سايلاۋ بٸرٸنشٸ تۋردا اياقتالا ما, جوق پا بٸلمەيمٸز. حالىق بٸزدٸ ەكٸنشٸ تۋرعا شىعارسا, بٸز بۇل شەشٸمدٸ قۇرمەتتەيمٸز", - دەدٸ ەردوعان.
تٷركييانىڭ وپپوزيتسييالىق اليانسىنىڭ جەتەكشٸسٸ كەمال كىلىچداروگلۋ دا سايلاۋشىلاردىڭ داۋىس بەرۋدٸڭ ەكٸنشٸ تۋرىن ٶتكٸزۋ تۋرالى شەشٸمٸن مويىندايتىنىن ايتتى.
"ەگەر ەلٸمٸز ەكٸنشٸ تۋردى جارييالاسا, بٸز مٸندەتتٸ تٷردە جەڭەمٸز. قوعامداعى ٶزگەرٸستەرگە دەگەن ىنتا 50 پايىزدان جوعارى", - دەدٸ ول.
ايتا كەتەيٸك, تٷركيياداعى پرەزيدەنت سايلاۋىندا بەرٸلگەن داۋىستاردىڭ 96,15 پايىزىن ساناۋ قورىتىندىسىندا كانديداتتاردىڭ قاجەتتٸ 50 پايىزدى جيناي الماعانى انىقتالدى. بەلگٸلٸ بولعانداي, سايلاۋشىلاردىڭ 49,42 پايىزى قازٸرگٸ پرەزيدەنت رەجەپ تايىپ ەردوعانعا داۋىس بەرگەن. ونىڭ باستى بەسەكەلەسٸ كەمال كىلىچداروعلۋ 44,88 پايىز داۋىس جينادى.
تٷركييا زاڭىنا سەيكەس, ەگەر كانديداتتاردىڭ ەشقايسىسى داۋىستاردىڭ جارتىسىنان كٶبٸن جيناي الماسا, سايلاۋدىڭ ەكٸنشٸ كەزەڭٸ ٶتۋٸ تيٸس.
