Erdoǵan Ýkrainanyń egemendigin qoldap, Qyrymdy zańsyz basyp alýdy moiyndamaitynyn málimdedi. Bul týraly ol Kievte Ýkrain Prezidenti Petr Poroshenkomen birge eki el basshysynyń kelissózderiniń qorytyndysy boiynsha ótkizilgen brifingte aitty, dep jazady "Ult aqparat" baq.kz portalyna silteme jasap.
«Men Poroshenkoǵa Túrkiianyń Ýkraina egemendigin, onyń Qyrymdy qosa alǵandaǵy tutastyǵyn jáne saiasi birligin qoldaitynyn taǵy da aittym», - dedi ol.
Sonymen qatar, Túrkiia basshysy ýkraindyq áriptesimen kezdesý barysynda Qara teńiz aimaǵyndaǵy qaýipsizdik máselesi boiynsha is-qimyldy úilestirý jóninde kelisimge kelgenin atap ótti.
«Biz eki elge qatysty halyqaralyq aimaqtyq máselelerdi talqyladyq. Onyń ishinde Qara teńiz aimaǵyndaǵy qaýipsizdik máseleleri de bar. Biz Poroshenko ekeýimiz bul máselelerge qatysty úilesimdi is-qimyl jasaýǵa kelistik», - dedi ol.
