Túrkiia Prezidenti Rejep Taiyp Erdoǵan orman órtin uiymdastyrýshylarǵa jazany kúsheitý ideiasyn qoldady, dep habarlaidy QazAqparat Anadolyǵa silteme jasap.
Birneshe kún boiy orman órtimen kúresip jatqan ońtústik-batystaǵy Mýgla provintsiiasynda jýrnalistermen kezdesý barysynda Memleket basshysy Marmaris týristik aimaǵyndaǵy órtten eshkim zardap shekpegenin jáne habar-osharsyz ketkender joq ekenin aitty.
Aitýynsha, órt aimaǵyna irgeles eldi mekenderden 435 adam evakýatsiialandy. Órtti sóndirýge 15 ushaq pen 46 tikushaq jumyldyrylǵan.
Prezident Dalaman, Fethiie, Keichegiz jáne Seidikemer aimaqtaryndaǵy orman órtterin baqylaýǵa alǵanyn jetkizdi.
Sondai-aq, Túrkiia prezidenti orman órtin uiymdastyrýshylardy jaýapqa tartý máselesine toqtalyp, mundai áreketter úshin jazany kúsheitý ideiasyn qoldaitynyn bildirdi.
«Túrli oilar aitylyp jatyr, tipti ólim jazasyn qoldaný týraly da. Bul máseleni talqylaý kerek dep oilaimyn», - dedi Erdoǵan.
Ol orman ǵana emes, janýarlardyń da jappai qyrylyp jatqanyna nazar aýdardy.
