تٷركييا پرەزيدەنتٸ رەجەپ تايىپ ەردوعان ورمان ٶرتٸن ۇيىمداستىرۋشىلارعا جازانى كٷشەيتۋ يدەياسىن قولدادى, دەپ حابارلايدى قازاقپارات انادولىعا سٸلتەمە جاساپ.
بٸرنەشە كٷن بويى ورمان ٶرتٸمەن كٷرەسٸپ جاتقان وڭتٷستٸك-باتىستاعى مۋگلا پروۆينتسيياسىندا جۋرناليستەرمەن كەزدەسۋ بارىسىندا مەملەكەت باسشىسى مارماريس تۋريستٸك ايماعىنداعى ٶرتتەن ەشكٸم زارداپ شەكپەگەنٸن جەنە حابار-وشارسىز كەتكەندەر جوق ەكەنٸن ايتتى.
ايتۋىنشا, ٶرت ايماعىنا ٸرگەلەس ەلدٸ مەكەندەردەن 435 ادام ەۆاكۋاتسييالاندى. ٶرتتٸ سٶندٸرۋگە 15 ۇشاق پەن 46 تٸكۇشاق جۇمىلدىرىلعان.
پرەزيدەنت دالامان, فەتحييە, كەيچەگيز جەنە سەيديكەمەر ايماقتارىنداعى ورمان ٶرتتەرٸن باقىلاۋعا العانىن جەتكٸزدٸ.
سونداي-اق, تٷركييا پرەزيدەنتٸ ورمان ٶرتٸن ۇيىمداستىرۋشىلاردى جاۋاپقا تارتۋ مەسەلەسٸنە توقتالىپ, مۇنداي ەرەكەتتەر ٷشٸن جازانى كٷشەيتۋ يدەياسىن قولدايتىنىن بٸلدٸردٸ.
«تٷرلٸ ويلار ايتىلىپ جاتىر, تٸپتٸ ٶلٸم جازاسىن قولدانۋ تۋرالى دا. بۇل مەسەلەنٸ تالقىلاۋ كەرەك دەپ ويلايمىن», - دەدٸ ەردوعان.
ول ورمان عانا ەمەس, جانۋارلاردىڭ دا جاپپاي قىرىلىپ جاتقانىنا نازار اۋداردى.
