Qazaqstannyń Tuńǵysh Prezidenti Túrkiia Respýblikasynyń Prezidenti Rejep Taiip Erdoǵanmen telefon arqyly sóilesti, dep habarlaidy Elbasynyń baspasóz qyzmeti.
Túrkiia Prezidenti Elbasyn shyn júrekten týǵan kúnimen quttyqtap, myqty densaýlyq jáne baýyrlas Qazaqstannyń múddesi jolyndaǵy kópjyldyq memlekettik qyzmetine jańa jetistikter tiledi.
Rejep Taiip Erdoǵan Nursultan Nazarbaev óz eliniń kóshbasshysy ǵana emes, sonymen qatar Nur-Sultan men Ankara arasyndaǵy strategiialyq seriktestiktiń negizin qalaýshy retinde zor qurmetke ie bolǵanyn aitty.
Túrkiia Prezidenti Qazaqstannyń Tuńǵysh Prezidentiniń Túrkitildes memleketter yntymaqtastyǵy keńesiniń (Túrki keńesi) Qurmetti tóraǵasy retindegi airyqsha róline toqtaldy, sondai-aq Eýraziia keńistigindegi integratsiialyq bastamalarynyń mańyzdylyǵyn erekshe atap ótti.
Elbasy Rejep Taiip Erdoǵanǵa izgi tilekteri úshin rizashylyǵyn bildirip, Qazaqstan men Túrkiianyń qazirgi strategiialyq seriktestiginiń deńgeiine joǵary baǵa berdi.
Sońynda Nursultan Nazarbaev pen Rejep Taiip Erdoǵan aldaǵy kezdesýlerdiń kestesin talqylady.
