Aqordada QR Prezidenti Nursultan Nazarbaev pen Túrkiia Respýblikasynyń basshysy Redjep Taiyp Erdoǵan ekijaqty kezdesý ótkizdi. Sol kezde Erdoǵan qazaq jerine jasaǵan alǵashqy saparyn eske aldy, dep xabarlaidy Ult.kz tilshisi QazAqparat agenttigine silteme jasap.
"Qazaqstan men Túrkiia arasyndaǵy qarym-qatynastardyń 25 jyldyǵy aiasynda resmi saparmen kelip otyrǵanyma óte qýanyshtymyn. Men ózim Qazaqstandy alǵash ret Almaty qalasy arqyly tanyǵan edim. Sodan beri kóp nárse ózgerdi. Astana quryldy. Bul - bizdiń ekinshi úiimiz. Qazaqstanǵa kelsek, óz úiimizde júrgendei sezinemiz", - dedi Redjep Taiyp Erdoǵan.
Túrkiia basshysynyń aitýynsha, búginde Qazaqstan men Túrkiia ekonomika, mádeniet, saiasat, áskeri sala jáne basqa da baǵyttarda tyǵyz qarym-qatynastardy damytyp keledi. Eki eldiń saýda ainalymy 2 mlrd dollardyń shamasynda. "Árine, bul kórsetkish biz úshin jetkiliksiz. Buryn keliskendei, saýda-sattyqty 5 mlrd-qa jetkizýimiz kerek. Ol úshin ekonomikalyq múmkindigimiz bar", - dep atap kórsetti Erdoǵan.
Aita keteiik, Túrkiia prezidenti Qazaqstanǵa aimaqtyq máselelerdi, Siriia máselesin retteý salasyndaǵy jumystary úshin óz alǵysyn jetkizdi.
