Túrkiia prezidenti Rejep Taiyp Erdoǵan 30-31 naýryzda Túrkitildes memleketter yntymaqtastyǵy keńesiniń (Túrki keńesi) beiresmi sammitine qatysý úshin Qazaqstanǵa jumys saparymen keledi, - dep habarlaidy RIA Novosti.
"Túrkiia Prezidenti Túrki keńesiniń beiresmi sammitine qatysý úshin 30-31 naýryzda Qazaqstandaǵy Túrkistan qalasyna barady dep josparlandy", - delingen agenttik habarlamasynda.
2009 jyly qazanda qurylǵan Túrki keńesi qazirgi túrki memleketterin biriktiretin halyqaralyq uiym. Onyń basty maqsaty elder arasyndaǵy jan-jaqty yntymaqtastyqty damytý. Keńes quramyna Ázerbaijan, Qazaqstan, Qyrǵyzstan, Túrkiia jáne Ózbekstan kiredi.
Aita keteiik, 1 qańtarda Toqaev pen Erdoǵan Túrkiia prezidentiniń Qazaqstanǵa saparyn uiymdastyrý múmkindigin pysyqtaýǵa kelisti.
