Erbolat Ospanov «Baspana» ipotekalyq uiymy» AQ basqarma tóraǵasy bolyp sailandy, dep habarlaidy "Ult aqparat" kompaniianyń baspasóz qyzmetine silteme jasap.
QR Ulttyq Bankiniń sheshimimen 2019 jylǵy 5 maýsymnan bastap Erbolat Serikuly Ospanov «Baspana» ipotekalyq uiymy AQ basqarma tóraǵasy bolyp sailandy.
Erbolat Ospanovtyń qarjy sektorynda jáne munai salasynda basshylyq laýazymdarda jumys tájiribesi bar.
2017 jyldan bastap Erbolat Ospanov «Qazaqstan Ipotekalyq Kompaniiasy» IU» AQ-tyń táýelsiz direktory laýazymyn (SEO) atqardy. Ár túrli ýaqytta ol «Borgata Mayer Inc.» kompaniiasynda SEO (bas direktor); «KMG Kashagan B.V.» JShJK-da direktordyń syrtqy bailanystar jónindegi orynbasary; «Adjip Qazaqstan Nort Kaspian Opereiting Kompani B.V.» kompaniiasynda Jergilikti qamtýdy damytý departamentiniń direktory; «QazMunaiGaz» saýda úii» AQ-tyń Astana filialy direktorynyń orynbasary; «Alma-Treiding» JShS atqarýshy direktory; «Qazaqshetsaqtandyrý» JAQ Basqarma Tóraǵasy; «Ónerkásiptik saqtandyrý toby» AAQ Prezidenti jáne basqa da laýazymdarda jumys istedi.
Erbolat Ospanov 1967 jylǵy 25 mamyrda dúniege kelgen. S.M. Kirov atyndaǵy Qazaq Memlekettik Ýniversitetin «Matematika» mamandyǵy boiynsha, Qazaqtyń Memlekettik Basqarý Akademiiasyn «Qarjy jáne kredit» mamandyǵy boiynsha jáne Los-Andjeles ýniversitetin, Kaliforniia UCLA, MBA baǵdarlamasy boiynsha aiaqtady.
QR Ulttyq Banki - «Baspana» ipotekalyq uiymy» AQ-tyń jalǵyz aktsioneri. «Baspana» ipotekalyq uiymy» «7-20-25» baǵdarlamasynyń operatory retindegi negizgi mindeti - ipotekalyq turǵyn úi qaryzdary boiynsha talap etý quqyqtaryn satyp alý arqyly ipotekalyq turǵyn úi kreditteý naryǵynyń qatysýshylaryn qaita qarjylandyrý.
