Búgin Úkimet otyrysynda 10 aidaǵy elimizdiń áleýmettik-ekonomikalyq damýy jaiynda baiandaǵan QR Ulttyq bank tóraǵasy Erbolat Dosaev teńgeniń álsireýine ne áser etkenin aitty, dep habarlaidy "Ult aqparat".
«Osy jylǵy qazanda damýshy elderdiń valiýtalary AQSh pen birqatar Eýropa elderinde koronavirýstyń qaitalaný táýekelin iske asyrý aiasynda álsireýdi jalǵastyrdy. Mysaly, túrik lirasy bir aida
8, Resei rýbli - 2,2, Braziliia realy - 2,3 paiyzǵa álsiredi. Basqa damýshy elderdiń valiýtalarymen qatar jalpy tendentsiialar men munai baǵasynyń tómendeýine bailanysty Qazaqstan teńgesi bir aida bir AQSh dollary úshin 431,81 teńgeden 432,66 teńgege deiin 0,2 paiyz álsiredi», - dedi UB tóraǵasy.
Bul rette ol kepildik berilgen transfert aiasynda Ulttyq qordyń aktivterin konvertatsiialaý jáne kvazimemlekettik sektor kompaniialarynyń eksporttyq valiýta túsiminiń bir bóligin mindetti túrde satýy osy jylǵy qazanda teńgeniń álsireýin tejegenin aitty.
«Osy jylǵy 9 qarashada birjadaǵy saýda-sattyq qorytyndylary boiynsha teńgeniń aiyrbas baǵamy ai basynan beri 0,3 paiyzǵa nyǵaiyp bir AQSh dollary úshin 431,17 teńgeni qurady», - dedi Erbolat Dosaev.
