Qazaqstan Prezidenti Ulttyq bank tóraǵasy Erbolat Dosaevty qabyldady. Bul týraly Aqordanyń baspasóz qyzmeti habarlady.
"Memleket basshysyna valiýta-qarjy naryǵyndaǵy qazirgi ahýal men elimizdiń qarjy sektoryn nesieleý jáne saýyqtyrý úshin júrgizilip jatqan jumystar jóninde baiandaldy. Sonymen qatar, Ulttyq bank tóraǵasy Qazaqstan Prezidentine ulttyq valiýtanyń ózgerýine áser etýshi faktorlar týraly málimet berdi", - delingen resmi habarlamada.
Qasym-Jomart Toqaev Ulttyq bank tarapynan bul salaǵa tiisti baqylaý júrgizýdiń qajettigin aitty.
Kezdesý sońynda Memleket basshysy birqatar naqty tapsyrma berdi.
Sondai-aq, Qazaqstan Prezidenti Qasym-Jomart Toqaev Bas prokýror Ǵizat Nurdáýletovti qabyldady.
Kezdesý barysynda Memleket basshysyna elimizdegi quqyq qorǵaý organdarynyń qyzmeti jóninde esep berildi.
Qazaqstan Prezidenti zań jáne zańnamalyq normalardyń, sondai-aq azamattardyń zańdy múddesin saqtaý isindegi elimizdiń qadaǵalaýshy organy retinde prokýratýranyń airyqsha rólin atap ótti.
Sońynda Qasym-Jomart Toqaev birqatar naqty tapsyrma berdi.
Kelesi kezekte Qazaqstan Prezidenti Jambyl oblysynyń ákimi Asqar Myrzahmetovti qabyldady.
Memleket basshysyna óńirdiń áleýmettik-ekonomikalyq damýy jáne Qazaqstan halqyna arnalǵan qazirgi Joldaýdaǵy, sondai-aq «Nur Otan» partiiasynyń XVIII sezi aiasyndaǵy Elbasy tapsyrmalarynyń oryndalý nátijeleri týraly esep berildi.
Qazaqstan Prezidenti memlekettik baǵdarlamalardy ýaqtyly jáne tiimdi júzege asyrýdyń, sondai-aq halyqqa áleýmettik turǵydan qoldaý kórsetý jónindegi sharalardy atqarýdyń mańyzdylyǵyn aitty.
Kezdesý qorytyndysy boiynsha Qasym-Jomart Toqaev birqatar naqty tapsyrma berdi.
