Azyq-túlik taýarlaryn tutynýdaǵy import úlesin tómendetýge mán biriledi. Bul týraly Úkimet otyrysynda Ulttyq bank tóraǵasy Erbolat Dosaev aitty, dep habarlaidy QazAqparat.
«Birqatar oblystarda biyldyń basynan bastap baǵalardyń turaqty túrde joǵary ósimi baiqalady. Mysaly, osy jylǵy tamyzda 5 óńirde infliatsiia 9 paiyzdan joǵary qalyptasty. Osyǵan bailanysty Ulttyq bank atalǵan oblystar úshin infliatsiiany turaqtandyrýdyń arnaiy josparlaryn qabyldap, óńirlermen bólek-bólek jumys júrgizýdi usyndy», - dedi E. Dosaev.
Onyń aitýynsha, sharalar keshenine qosymsha orta merzimdi perspektivada Úkimet, Ulttyq bank pen Qarjy naryǵyn retteý jáne damytý agenttigi arasyndaǵy Makroekonomikalyq saiasat is-sharalaryn úilestirý týraly 2021-2023 jyldarǵa arnalǵan kelisimdi tiimdi iske asyrý da infliatsiiany ornyqty túrde tómendetýge yqpal etetin bolady.
«Bizdiń birlesken jumysymyzdyń negizgi baǵyttary biýdjettiń munaiǵa jatpaityn tapshylyǵyn odan ári tómendetý, taýarlar men qyzmetterdiń shikizatqa jatpaityn eksportynyń kólemin ulǵaitý, sondai-aq azyq-túlik taýarlaryn tutynýdaǵy import úlesin tómendetý bolyp sanalady. Óz ókilettikteri aiasynda Aqsha-kredit saiasatynyń 2030 jylǵy deiingi strategiiasyna sáikes, shamadan tys ótimdilikti qysqartý úshin Ulttyq bank 2025 jylǵa deiin ekonomikany qoldaýdyń memlekettik baǵdarlamalarynan kezeń-kezeńimen tolyq shyǵýǵa niettenip otyr. Ulttyq bank baǵa turaqtylyǵyn qamtamasyz etý úshin dezinfliatsiialyq aqsha-kredit saiasatyn júrgizýdi jalǵastyrady. Úkimet tarapynan usynylǵan infliatsiianyń monetarlyq emes faktorlaryn tómendetý sharalary tiimdi iske asyrylǵan jaǵdaida, Ulttyq bank baǵa turaqtylyǵyna qol jetkizýdi eskere otyryp, aqsha-kredit talaptaryn jeńildetý jóninde sheshim qabyldaýǵa óziniń daiyn ekendigin rastaidy», - dedi UB basshysy.
Budan buryn habarlanǵandai, búgin Úkimet otyrysynda elimizde baǵanyń ósýin tejeý maqsatynda 2021 - 2024 jyldarǵa arnalǵan infliatsiiaǵa qarsy áreket etý sharalary kesheniniń jobasy qaralyp, maquldandy.
