Búgingi pandemiia jaǵdaiynda meditsina qyzmetkerleri siiaqty politsiia qyzmetkerleri de jaýapty isterdi atqaryp otyr. Qysyl-taiań shaqta ár ýchastkelik politsiia inspektorlaryna da artylatyn jaýapkershiliktiń salmaǵy zor. Osy oraida «Ult» portaly Shymkent qalasy Politsiia Departamenti ál-Farabi aýdandyq politsiia basqarmasy jergilikti politsiia qyzmeti bóliminiń aǵa ýchaskelik politsiia inspektory, 2019 jyly QR Ishki ister Minsitri E.Týrgýmbaevtyń sheshimimen «Úzdik ýchaskelik politsiia inspektory» dep tanylyp, marapattalǵan, politsiia maiory Iýsýpov Erbol Aitbaiulymen shaǵyn suhbat uiymdastyrdy.
-Erbol Aitbaiuly, sizderdiń ár kúnińiz neden bastalady? Bir kúnge sholý jasasaq?
-Bizde qyzmette kúndelikti bir jumys qaitalanbaidy. Naqty jumys, ár kúni ártúrli tapsyrmalar túsedi. Shaqyrtýlar boiynsha. Mysaly, biz tańǵy saǵat 8-de Politsiia basqarmasyna baramyz. Basqarma bastyǵymen birge selektor jinalysyna qatysamyz. Ol jinalyp 30 minýttai kóleminde bolady. Sol jerden ál-Farabi aýdandyq politsiia basqarmasy birinshi orynbasary, politsiia maiory Jánibek Týrlybaev jáne jergilikti politsiia qyzmeti bóliminiń bastyǵy, politsiia podpolkovnigi Berik Shoiynbaevtyń qatysýymen jinalys bolady. Ol jinalysta bizge kúndelikti tapsyrmalar beriledi. Búgin ne isteý kerek, qandai jumys atqarylýy kerek ákimshilik aýmaqta, qandai jumystar shuǵyl bolyp tur degen tapsyrmalar beriledi bizge. Jospar bolyp qoiylady aldymyzǵa ne isteý kerek ekeni. Sol jospardyń bárin, oryndaý sharalarynyń bárin jazyp, ákimshilik aýmaqqa shyǵamyz.
-Osy ákimshilik aýmaqtaǵy jumystarǵa keńinen toqtalyp ótseńiz?
-Ákimshilik ártúrli shaqyrtýlar túsedi. Keibir shaqyrtýlarda saǵattap turatyn jaǵdailar bolady. Otbasylyq janjal bolyp jatyr degen shaqyrtýlar da bolyp turady. Atalǵan shaqyrtýǵa barǵan kezde mysalyǵa aitatyn bolsaq, jábirlenýshi azamatsha óziniń kúieýi otbasy turmystyq qatynas salasynda mas halde janjal shyǵaryp, ar-namysyna tietin sózder men bylapty sóilep mazasyn alatyn jaǵdailarda aryzyn qabyldap, kúieýine qatysty QR ÁQBtK-nyń 73 babyna sáikes ákimshilik hattama túzip, jinaqtalǵan ákimshilik is-qujatty ákimshilik shara kórý úshin Shymkent qalasynyń mamandandyrylǵan ákimshilik sotyna joldaimyz. Sodan ýchaskelik politsiia pýnktinde Skaip arqyly onlain ákimshilik sot ótedi. Eger de aryzdanýshy bitimgerlishikke kelip jatsa,sotpen ákimshilik is qysqartylady. Keshirim bermegen jaǵdaida QR ÁQBtK 73 babyna sáikes eskertý jasaýǵa ne bes táýlikke deiingi merzimge qamaqqa alýǵa ákep soǵady.
Jábirlenýshige qatysty otbasy-turmystyq qarym-qatynas salasynda quqyqqa qarsy mánez-qulyqqa jol bermeý týraly kúieýine qatysty 30 táýlik merzimge Qorǵaý nusqamasy shyǵarylady. Osy aralyqta kúieýi tarapynan otbasylyq janjalǵa jol bergen kezde iaǵni Qorǵaý nusqamasyn buzǵan kezde oǵan qatysty QR ÁQBK-nyń 461 babymen ákimshilik hattama túzilip, is-qujattar jinalyp ákimshilik sotpen shara qoldanylady.
-Jalpy eseptiń eki túri bar: profilaktikalyq esep jáne tizimdik esep. Sizderde kóbine qaisy bolady?
-Bizde kóbine profilaktikalyq esep boiynsha qadaǵalaýlar bolady, árqaisynyń isteri bolady. Sonymen tekseremiz.
Ákimshilik aýmaqta qazir bizde ýchaskelik sharalar júrip jatyr. Ár inspektor óziniń ákmshilik aýmaǵyndaǵy halyqty esepke alady. Baryp, úide kim turady, úidiń iesi kim, qandai mashinasy bar, qansha adam turady, oqityn jeri, jumys orny qai jerde, mashinalarynyń markalary, nómirleri bári tolyǵymen tiziledi. Bir úidiń qujaty bolady. Mysaly, Shymkent qalasy, 2 B úidi alatyn bolsaq, sonyń óziniń papkasy bolady. Jalpy úi podezden turady, 60 páter jáne árqaisynyń aqparattary jazylady. Telefon nómirleri. Úi bolǵan soń trýba jarylyp ketýi múmkin, sý aǵyp ketýi múmkin, sondai jaǵdailarda úi ielerin taba almai qalatyn kezder bolady. Biz sol kezde jýrnaldan qaraimyz da birden úi iesine habarlasa aladymz. Bul ýchaskelik shara qazir bizde júrip jatyr. Ár ýchaskelik inspektor óziniń halqyn esepke alyp otyrady. Páter jaldap turýshylar tekseriledi, ol qashan keldi, bir aida sol jerge tirkeýge turmaityn bolsa oǵan eskertý beriledi. Ákimshilik kodekstiń 492 baby boiynsha eskertý beremiz. Eskertýden keiin de tirkelmese, oǵan aiyppul salynady. Sonymen qatar úi iesi de esepke qoimaǵany úshin jaýap beredi.
-Halyqqa qanshalyqty jaqynsyzdar?
- Bizde halyqpen kezdesý bolyp turady. Úsh ai saiyn halyqtyń aldynda esep beremiz. Halyqpen kezdesip qandai ahýaldar bolyp jatyn, qandai máselelerińiz bar, ne jaittar bolyp jatyr dep sheshilmei jatqan máselelerdi qaraimyz. Ózimizdiń istegen jumysymyzdy aitamyz. Úsh aidyń kóleminde óansha qylmys oryn alǵanyn, onyń qanshasy ashyldy, qansha adam jaýapqa tartyldy, qansha adam emdeýge jiberildi degen siiaqty.
Bizge ártúrli jaǵdailarmen aryzdanady. Kúieýim nemese ulym alkogoldik ishimdigin asyra kóp mólsherde qoldanyp júrgeni úshin Narkologiialyq dispanserge emdeýge joldaýyn suraidy, sodan biz narkologiialyq dispanserge emdeýge jetkizemiz. Ol jerden shyqqan soń taǵy da alkogoldik ishimdigin asyra kóp mólsherde qoldanyp jatsa, jábirlenýshiden aryzyn alyp sot sheshimi arqyly 6 aiǵa nemese 1 jyl kóleminde mádbúrli túrde narkologiialyq dispanserge emdeýge joldanady.
-Qazir pandemiiaǵa bailanysty qandai sharalardy atqaryp jatyrsyzdar?
-Qazir pandemiiaǵa bailanysty keshki saǵat 22:00-de ákimshilik aýmaqta ornalasqan dúkenderdi tolyǵysmen aralaimyz, osy ýaqytta olar jabylý kerek. Al saǵan 23:00 de barlyq dámhana-meiramhanalar jabylady. Shymkent qalasy bas sanitarlyq dárigeriniń №43 qaýlysy boiynsha jabylý kerek. Solardyń jabylǵanyn qadaǵalaimyz, únemi maskada bolýyn tekseremiz. Eger maska bolmaityn bolsa, túsinikteme alynyp, shara qoldaný úshin Shymkent qalasy ál-Farabi aýdany sanitarlyq-lepidemiologiialyq baqylaý basqarmasyna joldanady.
-Áńgimeńizge raqmet!
