Foto: "Qazaqstan barysy" respýblikalyq týrniriniń baspasóz qyzmeti
Astana qalasynda Respýblika kúnine orai, qazaq kúresinen ótken «Qazaqstan barysy-2024» respýblikalyq týrnirinde Erasyl Qajybaev qarsylasyn utyp chempion atandy.
Naqytyraq aitsaq, Astanadaǵy «Barys Arena» sport kesheninde qazaq kúresinen HIII respýblikalyq «Qazaqstan barysy» týrniriniń finalynda Ersultan Muzapparov (Shymkent qalasy) pen Erasyl Qajybaev (Abai oblysy) beldesti.
Nátijesinde Erasyl Qajybaev qarsylasyn sońǵy sátte taza utyp, týrnir jeńimpazy atandy.
Al qazaq kúresinen HIII respýblikalyq «Qazaqstan barysy» týrniriniń 3-oryn úshin beldesýde Saiat Shamshiev (Abai oblysy) pen Ádil Orazbaev (Ásker barysy) sheberlik baiqasty. Nátijesinde Abai oblysynyń balýany Saiat Shamshiev basym túsip, «Qazaqstan barysy – 2024» týrniriniń 3-oryn iegeri atandy.
Osylaisha 42 balýan baq synap jatqan týrirdiń sheshýshi synyna da kelip jetti.
Bul týrnirde oblystyq jarystardyń qorytyndysy boiynsha iriktelgen elimizdiń eń myqty balýandary baq synap jatyr. Olar elimizdiń 17 oblysy men Respýblikalyq mańyzy bar 3 qala Astana, Almaty jáne Shymkent qalalarynyń sportshylary.
Atalǵan týrnirdiń jeńimpazyna 15 000 000 teńge berilse, 2-oryn alǵan sportshy 3 300 000 teńgege ielik etedi. Al 3-orynǵa qol jetkizgen balýan 1 080 000 teńge kóleminde syiaqy alady.
Sonymen qatar ár balýan ár beldesýde jeńiske jetkeni úshin taǵy 100 000 teńgeden alyp otyrady. Jalpy «Qazaqstan barysy-2024» respýblikalyq týrnirdiń júlde qory - 27 100 000 teńge.
Atalǵan týrnirde jeńiske jetken balýandardyń bapkerleri de syiaqysyz qalmaidy. 3 720 000 teńge sportshylardyń jattyqtyrýshylaryna beriledi.
Atalǵan iri doda «Barys-Arena» stadionynda ótip jatyr.
Aita keteiik, osyǵan deiin jartylai finalǵa kimderdiń shyqqanyn jazǵan edik.
