«Bolashaq» baǵdarlamasynan tys shetelde oqityn stýdentterge de Sinopharm vaktsinasyn qabyldaý múmkindigi beriledi, dep habarlaidy QazAqparat.
«Bilim jáne ǵylym ministrligi «Bolashaq» baǵdarlamasy boiynsha shetelge shyǵatyn stýdentter Dúniejúzilik densaýlyq saqtaý uiymynyń tirkeýinen ótken Sinopharm vaktsinasynyń eki dozasyn qabyldaityny týraly kelisimge qol jetkizgeni týraly málimet shyqty. Aityńyzshy, nelikten mundai irikteý tásili qoldanylyp otyr? Nelikten «Bolashaq» stýdentterine ǵana osyndai múmkindik beriledi?», - dep surady BAQ ókili Ortalyq kommýnikatsiialar qyzmetinde ótken brifingide.
Saýalǵa QR Premer-Ministriniń orynbasary Eraly Toǵjanov jaýap berdi.
«Azamattardyń eshqandai konstitýtsiialyq quqyǵy buzylyp jatqan joq. Bul másele boiynsha habarlasqandar bar. Biz ony sheshý joly koronavirýstyń taralýyn boldyrmaý jónindegi Vedomstvoaralyq komissiiaǵa engizip te jatyrmyz. Sondyqtan stýdentterimizdiń siz ataǵan sanatyna da Sinopharm vaktsinasynyń eki dozasyn qabyldaýǵa ruqsat beriledi.
Beisenbi kúni Vedomstvoaralyq komissiianyń otyrysyn ótkizemiz. Sol kezde tiisti sheshim qabyldaimyz», - dedi Eraly Toǵjanov.
