Shymkent qalasynda Qazaqstan Kásipodaqtary kúnine arnalǵan saltanatty is-shara ótti. Osy sharaǵa eńbek ujymdary men bastaýysh kásipodaq uiymdarynyń ókilderi, áleýmettik áriptester, qalanyń kásipodaqtar qozǵalysynyń ardagerleri, barlyǵy úsh júzden asa adam qatysty, dep habarlaidy QRKF baspasóz qyzmeti.
Saltanatty shara barysynda sóz alǵan Kásipodaqtar federatsiiasynyń tóraǵasy: «merekege resmi mártebeniń berilýi - kásipodaqtardyń áleýmettik-eńbek salasyndaǵy máselelerdi sheshýde róliniń joǵary ekendiginiń aiqyn dáleli», - dep atap ótti.
«Elbasy Nursultan Nazarbaev qazaqstandyq kásipodaqtardy – turaqtylyqtyń tiregi, áleýmettik-eńbek qatynastarynyń bazalyq elementi dei otyryp, olardyń mańyzdy rólin atap ótken bolatyn. Elbasynyń joǵary senimi - bir jaǵynan, úlken jaýapkershilik, ekinshi jaǵynan, belsendi jumys isteýge degen baǵyt-baǵdar.
Qazaqstan Prezidenti Qasym-Jomart Toqaev óz Joldaýynda bilik pen azamattyq qoǵamnyń ózara bailanysyn nyǵaitýǵa shaqyrdy. Jáne bul bizge, kásipodaqtarǵa, elimizdegi eń aýqymdy qoǵamdyq uiym retinde jumys isteýge jańa qarqyn beredi», - dep atap ótti Eraly Toǵjanov.
Kásipodaqtar kúni aimaqtyń úzdik kásipodaqtar músheleri, kásipodaq belsendileri jáne áleýmettik áriptester QR Prezidenti Qasym-Jomart Toqaevtyń, QR Premer-Ministri Asqar Maminniń alǵys hattarymen marapattaldy.
Saltanatty is-shara sońynda QRKF tóraǵasy «IaNS-2» JShS eńbek ujymymen kezdesti.
Kásiporyn qoǵamdyq kólik salasynda qyzmet kórsetedi jáne ońtústik óńiriniń naryǵynda kóp jyldan beri jumys isteitin bedeldi kásiporyndardyń biri bolyp tabylady.
Beiresmi formatta uiymdastyrylǵan júzdesýde QRKF basshysy jumysshylardy Kásipodaqtar kúnimen quttyqtai otyryp, eńbekkerlerdiń kókeikesti máselelerimen tanysty. Sonyń ishinde, ujymdyq shart, eńbek qaýipsizdigi jáne bastaýysh kásipodaq uiymynyń qyzmeti talqylandy.
Kezdesý barysynda kásiporynnyń úzdik kásipodaq músheleri Kásipodaqtar federatsiiasy tóraǵasynyń Alǵys hatymen jáne qurmet gramotasymen jáne «Kásipodaqtarǵa sińirgen eńbegi úshin» medalimen marapattaldy.
