QR Premer-Ministriniń orynbasary Eraly Toǵjanov elimizde ne sebepti eki aptalyq karantin engizý sheshimi jasalǵanyn túsindirdi, dep habarlaidy "Ult aqparat".
«Birneshe nusqa pysyqtaldy. Nelikten eki aptalyq karantindi tańdadyq? Birinshiden, halyq arasynda virýstyń taralýyn barynsha azaitý maqsat etip qoiyldy. Ekinshiden, inkýbatsiialyq kezeń eki aptany qurap otyr. Ol - mańyzdy merzim jáne ony eskerý kerek boldy. Osy oraida tiisti eskertý jasadyq», - dedi E. Toǵjanov Ortalyq kommýnikatsiialar qyzmetinde.
Sonymen qatar ol eki aptalyq karantinnen keiin qatań sharalardy qabyldaý týraly tiisti másele kóterilse, onda qajetti kúsheitilgen sharalar engizilýi múmkin ekenin aitty.
Eske sala keteiik, búgin Memlekettik komissiia epidemiologiialyq jaǵdaidy turaqtandyrý jónindegi sharalardy bekitken bolatyn. Qazaqstanda epidemiologiialyq ahýaldyń órshýin jáne koronavirýs infektsiiasymen syrqattanýshylyqtyń ósýin eskere otyryp, Memlekettik komissiia biylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady.
Úkimet basshysy elimizdegi epidemiologiialyq ahýaldyń aldaǵy ýaqytta qalai ózgeretinine bailanysty atalǵan shekteý sharalary 2 aptaǵa uzartylýy nemese qatańdatylýy múmkin ekenin atap ótti.
