QR Premer-Ministriniń orynbasary Eraly Toǵjanov jumys saparymen Aqtóbe jáne Batys Qazaqstan oblystaryna bardy, dep habarlaidy primeminister.kz.
Vitse-premer epidemiologiialyq ahýal jáne koronavirýstyń yqtimal tolqynyna daiyndyq boiynsha keńester ótkizip, oblys basshylyǵynyń atqarylǵan jumys týraly esebin tyńdady.
Aqtóbe oblysynda Premer-Ministrdiń orynbasary Aqtóbe meditsinalyq ortalyǵynyń negizindegi provizorlyq statsionardyń jumysymen tanysty. Sodan keiin vitse-premer 2021 jyldyń birinshi toqsanynda paidalanýǵa berý josparlanǵan 190 tósek-oryndyq perinataldyq ortalyqtyń qurylys barysymen tanysty.
Eraly Toǵjanov «TK Farm Aqtóbe» JShS farmatsevtikalyq zaýytynda dárilik zattardy óndirý protsesimen tanysty. Kásiporynnyń qýattylyǵy jylyna 6 mln tabletka men kapsýlany, 75 tonna suiyq dári túrlerin jáne 12 tonna syǵyndyny quraidy. Pandemiia kezinde kásiporyn antiseptikter men meditsinalyq maska shyǵarýdy jolǵa qoidy.
Qazaqstandaǵy tsifrlyq statsionarlyq jáne mobildi rentgen apparattarynyń jalǵyz óndirýshisi «Aktiýbrentgen» AQ bolyp otyr. Eraly Toǵjanovqa pandemiia bastalǵannan beri elimizdiń meditsinalyq mekemeleri úshin 48 tsifrlyq rentgen apparatyn shyǵarǵan iri kásiporynnyń jumysy tanystyryldy.
Budan ári Batys Qazaqstan oblysynda vitse-premer Oral qalasyndaǵy josparly emdeýge jatqyzý boiynsha kópbeiindi aýrýhananyń jumysyn tekserdi. Meditsina qyzmetkerlerimen kezdesýde E. Toǵjanov oblystyq jedel járdem stantsiiasyna 20 avtokólik kiltin saltanatty túrde tabys etti.
Sapardyń kelesi pýnkti aǵymdaǵy jyldyń qarasha aiynda paidalanýǵa berý josparlanǵan oblystyq 200 oryndyq juqpaly aýrýlar aýrýhanasynyń qurylys barysymen tanysý boldy. Sondai-aq, delegatsiia dárilik zattar men meditsinalyq buiymdardyń 7 myńnan astam ataýynyń distribiýtory – «Talap» AQ dárihanasyna bardy.
E. Toǵjanov halyqty jáne densaýlyq saqtaý nysandaryn dári-dármekpen qamtamasyz etýdiń mańyzdylyǵyna nazar aýdardy. Jumys saparynyń jalǵasy retinde Eraly Toǵjanov COVID-19 taralýyn boldyrmaýǵa baǵyttalǵan sanitarlyq sharalardy tekserý maqsatynda «Syrym» baqylaý-ótkizý beketiniń jumysyn tekserdi.
Sapar sońynda óńir basshysy vitse-premerge 2020-2021 jyldarǵa arnalǵan Jumyspen qamtýdyń jol kartasy baǵdarlamasy aiasynda atqarylǵan jumystardyń nátijesi týraly baiandady.
