قر پرەمەر-مينيسترٸنٸڭ ورىنباسارى ەرالى توعجانوۆ جۇمىس ساپارىمەن اقتٶبە جەنە باتىس قازاقستان وبلىستارىنا باردى, دەپ حابارلايدى primeminister.kz.
ۆيتسە-پرەمەر ەپيدەميولوگييالىق احۋال جەنە كوروناۆيرۋستىڭ ىقتيمال تولقىنىنا دايىندىق بويىنشا كەڭەستەر ٶتكٸزٸپ, وبلىس باسشىلىعىنىڭ اتقارىلعان جۇمىس تۋرالى ەسەبٸن تىڭدادى.
اقتٶبە وبلىسىندا پرەمەر-مينيستردٸڭ ورىنباسارى اقتٶبە مەديتسينالىق ورتالىعىنىڭ نەگٸزٸندەگٸ پروۆيزورلىق ستاتسيوناردىڭ جۇمىسىمەن تانىستى. سودان كەيٸن ۆيتسە-پرەمەر 2021 جىلدىڭ بٸرٸنشٸ توقسانىندا پايدالانۋعا بەرۋ جوسپارلانعان 190 تٶسەك-ورىندىق پەريناتالدىق ورتالىقتىڭ قۇرىلىس بارىسىمەن تانىستى.
ەرالى توعجانوۆ «تك فارم اقتٶبە» جشس فارماتسەۆتيكالىق زاۋىتىندا دەرٸلٸك زاتتاردى ٶندٸرۋ پروتسەسٸمەن تانىستى. كەسٸپورىننىڭ قۋاتتىلىعى جىلىنا 6 ملن تابلەتكا مەن كاپسۋلانى, 75 توننا سۇيىق دەرٸ تٷرلەرٸن جەنە 12 توننا سىعىندىنى قۇرايدى. پاندەمييا كەزٸندە كەسٸپورىن انتيسەپتيكتەر مەن مەديتسينالىق ماسكا شىعارۋدى جولعا قويدى.
قازاقستانداعى تسيفرلىق ستاتسيونارلىق جەنە موبيلدٸ رەنتگەن اپپاراتتارىنىڭ جالعىز ٶندٸرۋشٸسٸ «اكتيۋبرەنتگەن» اق بولىپ وتىر. ەرالى توعجانوۆقا پاندەمييا باستالعاننان بەرٸ ەلٸمٸزدٸڭ مەديتسينالىق مەكەمەلەرٸ ٷشٸن 48 تسيفرلىق رەنتگەن اپپاراتىن شىعارعان ٸرٸ كەسٸپورىننىڭ جۇمىسى تانىستىرىلدى.
بۇدان ەرٸ باتىس قازاقستان وبلىسىندا ۆيتسە-پرەمەر ورال قالاسىنداعى جوسپارلى ەمدەۋگە جاتقىزۋ بويىنشا كٶپبەيٸندٸ اۋرۋحانانىڭ جۇمىسىن تەكسەردٸ. مەديتسينا قىزمەتكەرلەرٸمەن كەزدەسۋدە ە. توعجانوۆ وبلىستىق جەدەل جەردەم ستانتسيياسىنا 20 اۆتوكٶلٸك كٸلتٸن سالتاناتتى تٷردە تابىس ەتتٸ.
ساپاردىڭ كەلەسٸ پۋنكتٸ اعىمداعى جىلدىڭ قاراشا ايىندا پايدالانۋعا بەرۋ جوسپارلانعان وبلىستىق 200 ورىندىق جۇقپالى اۋرۋلار اۋرۋحاناسىنىڭ قۇرىلىس بارىسىمەن تانىسۋ بولدى. سونداي-اق, دەلەگاتسييا دەرٸلٸك زاتتار مەن مەديتسينالىق بۇيىمداردىڭ 7 مىڭنان استام اتاۋىنىڭ ديستريبيۋتورى – «تالاپ» اق دەرٸحاناسىنا باردى.
ە. توعجانوۆ حالىقتى جەنە دەنساۋلىق ساقتاۋ نىساندارىن دەرٸ-دەرمەكپەن قامتاماسىز ەتۋدٸڭ ماڭىزدىلىعىنا نازار اۋداردى. جۇمىس ساپارىنىڭ جالعاسى رەتٸندە ەرالى توعجانوۆ COVID-19 تارالۋىن بولدىرماۋعا باعىتتالعان سانيتارلىق شارالاردى تەكسەرۋ ماقساتىندا «سىرىم» باقىلاۋ-ٶتكٸزۋ بەكەتٸنٸڭ جۇمىسىن تەكسەردٸ.
ساپار سوڭىندا ٶڭٸر باسشىسى ۆيتسە-پرەمەرگە 2020-2021 جىلدارعا ارنالعان جۇمىسپەن قامتۋدىڭ جول كارتاسى باعدارلاماسى اياسىندا اتقارىلعان جۇمىستاردىڭ نەتيجەسٸ تۋرالى باياندادى.
