Biyl TÚRKSOI uiymynyń sheshimimen Túrkistan túrki áleminiń mádeni astanasy atandy. Osyǵan bailanysty ataýly jyldyń belgisi bolsyn degen uiǵarymmen qala ortalyǵynda «Túrki baǵy» alleiasy salynyp otyr, dep habarlaidy Ult.kz tilshisi.
Bul jóninde qala basshysy jýyrda Á.Óserbaev: «Túrki áleminde ózindik orny bar shahar úshin biyl tarihi jyl ekenin eskerip, osy alleiany 2017 jylǵy «Túrkistan — túrki áleminiń mádeni astanasy» jylynyń belgisi bolsyn degen uiǵarymmen salyp otyrmyz. Bul istiń bastamashysy oblys ákimi Janseiit Qanseiituly ekenin aita ketýimiz kerek. «Jyl sońyna deiin munda túrki halyqtary birliginiń simvoly retinde arnaiy eskertkish boi kóteredi» dep nysannyń mańyzdylyǵyn atap ótken bolatyn.
Bul rette jergilikti turǵyndardyń da shahardyń gúldenýi jaiynda rizashylyqtary jeterlik. Solardyń biri - J. Álmahanuly «TÚRKSOI uiymynyń qurylýyna Elbasymyz N.Á.Nazarbaevtyń qosqan úlesi zor ekenin aitady. Ol: «Onyń aiqyn dáleli uiym tarapynan qabyldanǵan sheshim aiasynda eń alǵash bolyp mádeni astana mártebesin elordamyz Astana qalasy alǵan bolatyn. Sondyqtan bul alleiany Elbasymyzdyń esimimen bailanystyrýǵa da negiz bar» degen tushymdy oiyn jetkizdi.
Búginde nysan qurylysynyń negizgi bóligi aiaqtalǵan. Aldaǵy kúnderde atalǵan oryn jergilikti turǵyndar úshin saialy baqqa ainalmaq.
