15 jeltoqsanda Er-Riiad qalasynda Saýd Arabiia Koroldigindegi Qazaqstan elshiligi Qazaqstan Respýblikasy Táýelsizdiginiń 30 jyldyǵyna orai merekelik qabyldaý ótkizdi, dep habarlaidy QazAqparat.
Saltanatty sharaǵa Er-Riiad qalasynyń meri, mártebeli hanzada Faisal ben Aiiaf, Parsy shyǵanaǵy arab memleketteriniń yntymaqtastyq keńesiniń Bas hatshysy N. Hadjraf, SAK Konsýltativtik Keńesiniń depýtattary – Qazaqstan-Saýd parlamenttik dostyq tobynyń músheleri, Syrtqy ister ministrliginiń, Koroldiktiń memlekettik organ basshylary men ókilderi, shet elderdiń elshileri men diplomattary jáne Er-Riiad pen Djiddadaǵy halyqaralyq uiymdardyń turaqty ókilderi, ǵylymi jáne iskerlik orta, qoǵam jáne saiasi qairatkerler, BAQ ókilderi, sondai-aq belgili qoǵam-saiasi qairatkerleri qatysty.
Qazaqstan elshisi B.Aryn óz sózinde Táýelsiz Qazaqstannyń 30 jyl ishindegi negizgi jetistikterin atap ótip, qonaqtardy elimizdiń qazirgi saiasi jáne áleýmettik-ekonomikalyq ómiri týraly habardar etti. QR Tuńǵysh Prezidenti – Elbasy Nursultan Nazarbaevtyń memlekettiń qalyptasýyndaǵy róline, sondai-aq álemdik qoǵamdastyqtyń keń qoldaýyna ie bolǵan onyń halyqaralyq bastamalaryna erekshe nazar aýdaryldy.
Sondai-aq, elshi QR Prezidenti Qasym-Jomart Toqaevtyń basshylyǵymen qazirgi ýaqytta júrgizilip jatqan ekonomikalyq jáne saiasi reformalar týraly aityp berdi.
Qazaqstandyq diplomat Qazaqstan men Saýd Arabiiasy arasyndaǵy qarym-qatynastardyń qarqyndy damyp, QR Prezidenti Qasym-Jomart Toqaev pen SAK murager hanzadasy Muhammed ben Salman arasyndaǵy jeke bailanystyń, sondai-aq SAK Konsýltativtik keńesiniń tóraǵasy Abdalla ash-Sheihtiń jáne SAK investitsiialar ministri Halid Falihtyń Qazaqstanǵa saparynyń arqasynda osy jyly qarqyn alǵanyn tilge tiek etti.
Saltanatty qabyldaýǵa qatysýshylarǵa qysqa metrajdy derekti film kórsetilip, Qazaqstannyń Táýelsizdik jyldaryndaǵy jetistikteri týraly fotokórme uiymdastyryldy. Qazaqstannan onlain rejiminde transliatsiialanǵan Súiinbai atyndaǵy Almaty oblystyq filarmoniiasy orkestriniń kontserti keshti kórkeite tústi. Qazaqstandyq ártister elshiliktiń saltanatty sharasyna qoldaý kórsetip, kópshilikke tanymal qazaq kompozitorlarynyń shyǵarmalary men ulttyq folkloryn usyndy. Elshilik aýmaǵynda qazaqtyń kiiz úii men kóshpendilerdiń qoldanbaly óneriniń ulttyq buiymdary qoiylǵan etnografiialyq kórme uiymdastyryldy.
Qabyldaý barysynda Elbasy Nursultan Nazarbaev pen QR Prezidenti Qasym-Jomart Toqaevtyń kitaptary, sondai-aq Qazaqstan týraly jáne onyń saiasi jáne áleýmettik-ekonomikalyq damýy, sondai-aq Qazaqstan-Saýd qarym-qatynastary týraly baiandaityn ózge de aqparattyq-imidjdik materialdar taratyldy.
