Abai oblysynyń turǵyny júrgizýshi kýáligin aýystyrmaq bolyp, kútpegen jaitqa tap boldy. Ol eGov portaly arqyly qujat rásimdeýge árekettengen kezde ózin psihiatriialyq esepte turǵan adam retinde tirkelgenin bilgen, dep habarlaidy ult.kz.
Er adam mundai esepte eshqashan turmaǵanyn aityp, aýrýhana men oblystyq densaýlyq saqtaý basqarmasyn sotqa bergen. Ol psihikalyq naýqastardyń ulttyq tizilimindegi málimetterdi zańsyz dep tanyp, ózine qatysty aqparatty óshirýdi talap etken.
Isti qaraý barysynda meditsinalyq mekemeniń arnaiy komissiiasy azamatty esepke qoiý týraly derekter qate engizilgenin anyqtaǵan. Komissiianyń qorytyndysyna sáikes, málimetter tiisti meditsinalyq tekserýsiz jáne dispanserlik baqylaý tártibi saqtalmai engizilgen.
Soǵan qaramastan, ýákiletti organ aýrýhananyń bul málimetterdi aqparattyq júieden alyp tastaý týraly ótinishin qaraýsyz qaldyrǵan.
Aýrýhana ókilderi talap qoiýshynyń ambýlatoriialyq kartasy saqtaý merzimi ótkendikten joiylǵanyn aitqan. Alaida ony rastaityn qujat usynylmaǵan.
Al densaýlyq saqtaý basqarmasy azamattyń tizilimnen shyǵarylýy úshin qaitadan dárigerlik-konsýltatsiialyq komissiiadan ótýi kerek ekenin málimdegen.
Abai oblysynyń mamandandyrylǵan aýdanaralyq ákimshilik soty isti zerttep, azamattyń psihiatriialyq esepke zańsyz qoiylǵany týraly qorytyndyǵa keldi.
Sot barysynda jaýapkerler azamattyń:
– psihiatriialyq kómekke júgingenin;
– meditsinalyq tekserýden ótkenin;
– dispanserlik baqylaýda bolǵanyn;
– em alýǵa kelisim bergenin dáleldei almaǵan.
Nátijesinde sot talap aryzdy tolyq qanaǵattandyrdy. Endi aýrýhana men densaýlyq saqtaý basqarmasy azamat týraly málimetterdi psihikalyq naýqastardyń ulttyq tiziliminen alyp tastaýǵa mindetteldi.
