Atyraý oblysynda bir otbasynyń tórt múshesin óltirgen Sultan Sársemalievke qatysty sot úkimi zańdy kúshine endi, dep habarlaidy ult.kz.
Sottalǵan azamat pen onyń qorǵaýshysy zańda belgilengen merzim ishinde apelliatsiialyq shaǵym bermegen. Osylaisha, olar sot taǵaiyndaǵan jazaǵa qarsylyq bildirmegen.
Úkimniń kúshine enýine bailanysty Sársemaliev jazasyn óteý úshin asa qatań rejimdegi qylmystyq-atqarý júiesi mekemesine jóneltiledi.
Eske sala keteiik, 14 shildede Sultan Sársemaliev qaiyn jurtynyń tórt múshesin óltirdi jáne bank qosymshasy arqyly zańsyz nesie rásimdedi degen aiyppen sottalyp, ómir boiyna bas bostandyǵynan aiyrylǵan edi.
