Abai oblysynda politsiia qyzmetkerleri Semei qalasynda mas kúide mototsikl basqarǵan 40 jastaǵy er adamdy ustady, dep habarlaidy ult.kz.
Polisia.kz málimetinshe, oqiǵa saǵat 21:30 shamasynda bolǵan. Politsiia memlekettik tirkeý nómirlik belgisi joq RECER mototsiklin toqtatqan.
Tekserý barysynda mototsikl júrgizýshisiniń alkogoldik masań kúide bolǵany anyqtaldy. Osylaisha, azamat birden birneshe jol qozǵalysy talabyn buzǵan: kólikti memlekettik nómirsiz basqarǵan jáne mas kúide rólge otyrǵan.
Politseiler júrgizýshini kólik basqarýdan shettetip, oǵan qatysty qajetti protsessýaldyq sharalardy qabyldady.
Quqyq qorǵaý organdary mas kúide kólik basqarý jol qozǵalysyna qatysýshylardyń ómiri men qaýipsizdigine eleýli qaýip tóndiretinin eskertedi.
