Qazaqstannan Ózbekstanǵa Halyqaralyq Qyzyl kitapqa engen albinos jolbarys pitonyn kádimgi sómkege salyp alyp ótpek bolǵan, dep habarlaidy "Ult aqparat".
Tashkent oblysy keden departamenti baspasóz qyzmetiniń málimetinshe, qazirgi ýaqytta tergeýge deiingi tekserý júrgizilip jatyr.
«Gisht-Kýprik» shekaralyq keden beketinde Qazaqstannan kirgen er adamnyń sómkesin baqylaý-rentgendik jabdyqtyń kómegimen tekserý kezinde jylan tabyldy, bul týraly aýyzsha habarlamada habarlanbaǵan. Kedendik deklaratsiiada baýyrymen jorǵalaýshylar da kórsetilmegen», - delingen habarlamada.
Bul jylan Halyqaralyq Qyzyl kitapqa engizilgendikten, ony Ózbekstanǵa ákelý úshin halyqaralyq ruqsat qajet. Alaida er adamda ruqsat bolmaǵan.
Piton Tashkent haiýanattar baǵyna jóneltildi, sarapshylar onyń jaǵdaiyn turaqty dep baǵalap otyr.
