Oraldaǵy tergeý izoliatorynda qamaýda otyrǵan er adamdar áielder kamerasyna ótkizetin ótkel jasap alǵan. Oqiǵadan keiin kináli sheneýnikter tártiptik jaýapkershilikke tartyldy, - dep habarlaidy Tengrinews.kz saity.
"Bul derekti mekeme ákimshiliginiń qyzmetkerleri biyl shildede anyqtady. Qyzmettik tergeý nátijesinde kináli laýazymdy tulǵalar tártiptik jaýapkershilikke tartyldy", - deidi QAJK baspasóz qyzmeti ókili.
Sonymen qatar mekeme ákimshiligi kamera aralaryndaǵy búlingen qabyrǵalardy jóndegen.
"Osyndai tártipbuzýshylyqty boldyrmaý maqsatynda áiel adamdardy ustaýǵa arnalǵan kameralar jeke blokqa aýystyryldy", - dep málimdedi QAJK baspasóz qyzmeti.
Aita keteiik, buǵan deiin BAQ-ta Oraldaǵy tergeý izoliatorynda túsirilgen video paida bolǵan edi. Kadrda er adam qabyrǵadaǵy tesik arqyly basqa bólmege ótkeni kórinedi. Rolik avtorynyń aitýynsha, tutqyndaǵylar eski qabyrǵany tesip, áielder kamerasyna kirip júrgen.
video: Moi Gorod | Ýralsk | ZKO / Telegram
