ورالداعى تەرگەۋ يزولياتورىندا قاماۋدا وتىرعان ەر ادامدار ەيەلدەر كامەراسىنا ٶتكٸزەتٸن ٶتكەل جاساپ العان. وقيعادان كەيٸن كٸنەلٸ شەنەۋنٸكتەر تەرتٸپتٸك جاۋاپكەرشٸلٸككە تارتىلدى, - دەپ حابارلايدى Tengrinews.kz سايتى.
"بۇل دەرەكتٸ مەكەمە ەكٸمشٸلٸگٸنٸڭ قىزمەتكەرلەرٸ بيىل شٸلدەدە انىقتادى. قىزمەتتٸك تەرگەۋ نەتيجەسٸندە كٸنەلٸ لاۋازىمدى تۇلعالار تەرتٸپتٸك جاۋاپكەرشٸلٸككە تارتىلدى", - دەيدٸ قاجك باسپاسٶز قىزمەتٸ ٶكٸلٸ.
سونىمەن قاتار مەكەمە ەكٸمشٸلٸگٸ كامەرا ارالارىنداعى بٷلٸنگەن قابىرعالاردى جٶندەگەن.
"وسىنداي تەرتٸپبۇزۋشىلىقتى بولدىرماۋ ماقساتىندا ەيەل ادامداردى ۇستاۋعا ارنالعان كامەرالار جەكە بلوكقا اۋىستىرىلدى", - دەپ مەلٸمدەدٸ قاجك باسپاسٶز قىزمەتٸ.
ايتا كەتەيٸك, بۇعان دەيٸن باق-تا ورالداعى تەرگەۋ يزولياتورىندا تٷسٸرٸلگەن ۆيدەو پايدا بولعان ەدٸ. كادردا ەر ادام قابىرعاداعى تەسٸك ارقىلى باسقا بٶلمەگە ٶتكەنٸ كٶرٸنەدٸ. روليك اۆتورىنىڭ ايتۋىنشا, تۇتقىنداعىلار ەسكٸ قابىرعانى تەسٸپ, ەيەلدەر كامەراسىنا كٸرٸپ جٷرگەن.
ۆيدەو: موي گورود | ۋرالسك | زكو / Telegram
